2006年09月05日
CW都過左個幾禮拜，到呢一刻都係講CW野，係因為實在太忙啦！其實
好耐之前巳經想做呢一樣野！就係推介一下响CW買到的「好誌」，始終
每次CW前同人誌嘅作家廢盡心神，做出美味嘅「好誌」，只响CW會場
賣完之後就完結，未免有點「浪費」呀～
好！閒話少講！去片~~~
1,)Dessertsintheforest
作者Kavie & Kai
得知KAI老師有新作推出，身分粉絲嘅我
當然唔會錯過，一入CW就將檔子同朋友
拋開！第一時間衝去PKsquare响另一個
場館嘅檔！生怕一瞬之間就賣個清光！經
過左一D波節，終於買到啦！全本書有60
多頁精美B5印刷，仲另送機器人小P一隻
！都只係賣廿八蚊！太抵啦～
睇晒成本書，是久違的赤＆駒+食譜(?)嘅
故事！好有趣～後面仲有四格！Kavie的插
畫都好得意！讓人身心滿足嘅作品呀～
在揾呀KAI老師賣新刊嘅途中周圍遊歷，
就比我發現左呢本同人誌
信 PARK1 作者:點心 A4 size 全書26p
一眼就比封面吸引住，睇左小小內容，二
話不說就買左落黎，是一個原創故事嘅第
一part，故事講述身分係郵差嘅男主角，
响一次送信嘅過程裡面，救左一個自殺嘅
少女，之後，每一次去到果度派信既時候，
果個女仔都坐响信箱度等一封信，過左一
段日子，男主角終於收到寄比果個女仔嘅
信，男主角認為呢封信係同少女之前自殺
有關，於是私底下開左封信，卻發現一個
意想不到的故事…
成本書畫功唔算太亮麗，但論分鏡，氣紛
同劇情做得唔錯，尤其是男主角不斷的內
心讀白，有久違了的感動呀~~
今次講到呢度先！下次再介紹埋其它~~~
(0)