2006年06月08日
本來今日諗住寫下尋日響旺角買嘅新書，直到聽到903新聞，我改變
左呢個決定…
可能咁講會得罪好多人，但我實在睇唔過眼！對於森美小儀响「架勢
堂」上面搞「最想非禮女藝人選舉」，雖然係有Ｄ不文，但大家都知
呢個係「玩笑」黎啦！而且本人亦道左歉，點解仍然唔放過佢地呢？
香港一直就有一班「衛道之仕」，呢班人一般黎講都係一Ｄ高學歷嘅
專業人事，睇所有野只有二元–對與錯，佢地完全沒中間灰色地帶，
唔係啱嘅事就係做錯，而且大加批判，漫畫只有打鬥係錯！學生去玩
唔讀書係錯，食煙係錯，打機係錯，拍拖係錯，佢地唔知道孩子點解
會打交，唔知道人點解會做壞事，佢地只係只道呢Ｄ事係「錯」，於
是打駡，於是批判，還振振有詞，好似佢捍衛左整個香港嘅社會道德
咁！
尋日睇電親有個港台節目就呢件事大做文章，女主持大聲疾呼狠批，
一時又侮辱香港女性，一時又股吹性犯罪，新聞話今日又有幾十單投
訴，加埋有百多宗，我覺得奇怪，明明係幾日前嘅事，如果你當時有
聽，覺得個節目侮辱左你，點解唔果一二日投訴？要到今日先黎投訴
？會唔會係之後人地講下講你覺得原來係侮辱至去投訴（聽緊果時又
唔覺），定係甚至其實你無聽過，只係人地話侮辱，你又去投訴呢？
點都好，而家「架勢堂」都要停二個月，二個主持唔可以再接外來工
作，從呢件事，都睇得出香港幾咁有言論自由同幾咁有道德啦！
(1)
mike
http://rockman.mocasting.com/
我果邊都想講呢單野
需還兩節目主持人一個公道
15/16 呢...
另一角度睇同一個情况，有一個節目討論非禮，你有個孩子聽左，有二個家庭用唔同方法去處理
第一個家庭嘅做法係即刻熄左部收音機，不比孩子受任何污染，立即打電話去投訴電台教壞我個仔，仲上街示威，拉節目主持落黎，仲要立法唔再比任何傳播媒體講呢Ｄ野！
第二個家庭佢無熄到收音機，仲同個仔一齊聽，有講有笑，之後同個仔講，如果受害果個係你，如果唔係非禮而係比人打又會點，講比佢聽唔會有人想受到傷害，所以更唔應該去傷害人。
邊一個做法對個年青人有益？年青人因為你咁緊張唔比佢聽唔係更想聽嗎？於是就同學朋友互相討論，唔係反而更差嗎？
「衛道之仕」都係第一個家庭，自己作為「大人」企响一個高高在上嘅位置，認為年青人唔應該接觸一切「毒」物，有人講下都唔得，驚死年青人知少少都會變壞，呢種想話就係根本性令年青人更易變壞
呢個係我嘅睇法，所謂「道德教肓」唔係只教好的東西，只叫年青人做好的東西，完全唔比佢知負面既野，甚至講下都話唔得，而應該係好嘅野同唔好嘅野都比佢知，但要令佢知「點解好嘅野應該做，唔好嘅野唔麽該做」，正確性嘅「價值觀」至係最緊要
其實我知我講唔到重點，但呢一件事的確值得大家去反思，因為呢種風氣繼續落去，最大受害者始終都係年青人
，只要想一想生存响一個絕對道德觀世界嘅小孩嘅將來..
>>paolo
一切巳成定局，不過另一個角度睇，二位主持辛苦左咁多年，可以体息下都未嘗唔係一件好事，都係聽眾慘Ｄ~~
>>食煙係錯
我唔食煙，亦唔鍾意人食煙，但我唔認為「食煙係錯」，我認為「食煙影响其它人」至係錯，如果响一個完全唔影响別人同明白食煙對自己影响嘅情況下食煙我覺得無問題喎～
應該只有所有電台工作唔做得，十五／十六無問題~~~
>>50w
你都有你嘅道理，佢地比較好嘅係過二日就出黎道左歉，但中國國情裡面仲有太多唔安定因數，仲未能夠平反，但個人對新中國領導人有信心，平反有望～