2006年04月15日
休魚期完結，要諗o既第二期同以後o既方向亦
有定案，好又要開始戰鬥啦！
尋日為左宣傳本書走左去旺角的書屋派宣傳海
報，開頭戰戰兢兢，又等到間書屋無人至敢走
埋去細細聲問：「可唔可以借個地方做宣傳…」
「唔得喎！」「呀……….orz」比人拒絕左２次之
後我明白左Ｄ野，就係先比左張海報佢先，然
後再問，佢就會問：「你地邊間發行？」「我
地係同德做發行！」「呀～係係我一陣幫你貼
出黎呀～」態度轉變180度，大發行個朵真係響
，好彩之前無聽人講轉發行咋！
轉眼間派左十幾間，開始諗到個問題，其實，
第一期係唔發書屋嫁，所以當去到一Ｄ熱情o既
書屋..「咦！本書幾靚！係咪同德發！（我未講
佢巳經知）幾時發街呀！」「四月＋八」「呀～
點解張海報唔印大張Ｄ呀，你地係出版社…….」
突然個心就好痛「唔係呀！其實Ｄ書只係發報
灘，係唔會發書屋嫁！我只係利用你地黎做宣
傳咋！」呢句話說不停咁響心裏面納喊！望住
書屋果２位店員興高采烈傾談我地本書o既笑臉
「呀～麻煩晒你地！」我唯走轉身就走….
(0)
找天我去買來看~(正好附近的士多有~~)
多謝支持下！
因我地全部都係新人，希望可以比Ｄ意見我地呀～
內容還ok~
但可以多一些故事,圖還可以畫得更好,也可以增加一些game/模型/動漫的介紹~~
說到底,這也只是一個十二歲的人仔說的話,不必太在意~
最近要肯努力!ganbadei!!
好奇問一下你仲有無睇其它漫畫？
遲來的鼓勵，繼續努力！～
說起來,你有玩機戰嗎?~(我也是迷來的~XD)
謝謝呀~~~~
>>ROY
想唔到你睇咁多漫畫，機戰我由第三次機戰（超任）開始玩到而家，一直無停過，不過最新第三次α無再買，一來無錢（我全部買完裝啦），二來隻GAME太易玩，無難度，無興趣，反而最近打機戰OG2同機戰J唔錯！（OG2欠２版爆機啦）
J就太容易la,一個禮拜就可以爆機la~~
說起來,PS2就來出OG,而且是1+2,不知你打不打算買呢?~^^
最後漫畫書屋都有在賣啦！
只不過很快收起來罷了...orz