早知有得見報就請假去幫手啦
之前幫一班大學生做game人設同背景
(即係前幾個post見到果d)
上幾個星期上左一位同學既屋企(响半山區)試玩,
首先要介紹一下,隻game叫”GARU”
係一隻3d實時戰略game
見佢得幾個人都做左好多野
隻game load 入去有版頭,
start後有條片睇,
仲有首原創日文主題曲(有個女仔唱)
ｄ音樂都係原創，ｏｋ架
去到avg部份有全配音（唔知點解係日文）
佢仲幫我畫ｄ人ｃｇ做左會貶眨眼同開口
試玩有三版，戰略性一般，仲有好多可以改善既地方
不過可以最多８人網上對戰，都幾勁
最後佢地仲用左Ｄ物資做多左隻第一身射擊game
有成４版，仲可以儲錢升級武器同機體，都幾有趣！
因為佢地用microsoft enging寫（可以放落xbox360玩），
上星期微軟就搞左個發報會，仲有Ｄ報章雜誌報導下
（明報都用港聞大半版講下，利害利害）
希望幾位後生仔加油呀~~
我等住玩架~~
號外！號外！各位！重要消息！
今個星期六同日（11-12/08/2007）
响數碼港（正確黎講係數碼港圓形廣場）
有一個全新的數瑪娛樂活動
「MEGAA POWER」
「MEGAA POWER」
中文名叫數碼同人新勢力
官方介紹是﹕
「MEGAA」乃是Music、Edutainment、Games、Advertising
和Animation的簡稱，音樂、教育及娛樂、遊戲、廣告和動畫這些統稱
為「MEGAA」的業界（…明明叫碼「同人」新勢力，但好似無同人份…）
內可行的創意工業模式，正是香港政府主力支援的開發內容，銳意籍此成
為全球創意工業翹楚的第一步。
精彩的活動包括：「數碼同人交流會」（為同人創作愛好者提供一個免費
的交流園地）、「COCPLAYERS SHOW-OFF」（為各界「Cosplayers」
提供一個無拘無束的表演平台）、「電玩歌曲大匯演」（為喜歡動畫／電
玩歌曲的友好提供一次以歌會友的黃金機會）等等，分別以不同類型的原
創活動，讓喜愛創作的年青人得以發揮才華，並跟前輩或同好交流，一起
展示屬於香港年青人的「MEGAA POWER」！
非常難得政府會搞個ACG EVENT，希望大家善長仁翁多多支持！
什麽？唔知「數碼港」係邊？（我都唔知…）
放心啦！當日下午1:30將有專車由金鐘海富中心出發，直達數碼港
或者太子地鐵站轉970號路線，蘇屋往返數碼港 ，全程收費 空調：$10.6
甚至中環(港澳碼頭)３７Ａ號路線，置富花園至中環(循環線)
全程收費 空調：$4.7薄扶林水塘落(from yahoo+)
而且，最緊要係，我地有檔！（多謝何故兄）
希望可以見到大家啦~~~
詳情請看http://www.cuhkacs.org/~hegu/Bo-Blog/read.php?255
或http://www.cuhkacs.org/~benng/Bo-Blog/read.php?752
查詢或報名，請電郵至：futurepowerhk@gmail.com
雖然呢樣巳經唔係新聞，日本外務省舉辦的第一届國際漫畫獎，在全
球26個國家149個作品裡面，由香港人李志清老師的「孫子兵法」同
KAI老師的「十五二十」奪得其中的大賞同獎勵賞（總共４個獎項，
其它由馬來西亞Benny Wong Thong Ho作品「Le. Gardenie」同澳
洲的Madeleine Rosca作品「Hollow Fields」所得）！雖然大多報
導都是「漫畫家李志清和另一個香港女作家奪得…」，令身為 KAI
老師粉絲的我非常不滿！但從電現新聞內能夠見到KAI 老師的確令
人感動！
但這引伸出一個問題，在國際得獎的大作，在香港裡面又得到一個怎
樣的結果呢？
現時，本土漫畫市埸只分為２塊，「薄装打書」同「塗鴉式文字書」
，前者是小市民的每週一爽，後者是政府和文化人提倡的漫畫藝術，
本土漫畫精裝本（日式港漫）呢？除了少數較為特別(例如劉雲傑的
「FREE 100」)之外，幾乎全部都只是為了令出版社賠錢而出版的
香港漫畫的市場容不下精裝本，日式港漫本在市場裡面一直都是「
票房毒藥」，就連呼聲高企的鄭健和，自立門戶後嘔心瀝血的漫畫精
裝本「火龍」都因為銷量不滯而停刊，之後，我可以說再無漫畫公司
有為本土漫畫精裝本投資的傾向！（不過最近又聞說某漫畫公司將會
在漫畫節推出一個本土漫畫雜誌，有劉雲傑同梁偉豪等，而樂文又好
似比「Ｂ旺」呃多次，好有機會見番「冬日」作品啦…）
諷刺的是得到國際認同的就是日式港漫！
呀KAI老師好野！
日本外務省第一回國際漫畫賞
http://www.mofa.go.jp/mofaj/press/release/h19/6/1174259_806.html
在網上常看到有關香港動漫為何不能夠發展的討論
最常看到的不外乎
香港動漫不濟呀怎樣的
香港政府又拒絕支持呀云云
之前在討論區有見到為何日本動漫何以繁榮的主題
內容都是一樣
日本動漫好看呀怎樣的
日本政府又大力支持呀云云….
於是我回應:
「只可以講
如果香港動漫迷
可以好似日本幾十萬宅人咁
每個月最少洗幾萬円買動漫產品
（個人認為除左喜歡ACG之外仲要可以為ACG付出，
每月最小千多港元果Ｄ先可以專稱「御宅族」）
我相信香港動漫可以飛得仲快！」
為什麼喜歡一種東西不能夠為佢付出呢？
我認為因為香港（包括中國）的青少年
普遍存在一種不願意付出的價值觀
(下次再寫)
最近網上又有新漫畫接龍「神！我能愛他嗎？」！
非常不錯！有時間去看一下吧
http://www.gaforum.org/showthread.php?t=159967
尋日睇報紙，難得見到有關漫畫業界嘅新聞，仲要係財經
版
.
「玉皇朝動畫闖神州，衍生商品蓄勢待發」
.
原來係有關好幾年前漫畫節高調宣傳，最終音訊全無的動
畫「神兵小將」
.
據報道伙拍中央電視臺合拍，全52集制作巳完成，正等待
國家審批，之後會安排在央視播放，目標對象是15歲以下
來自大城巿及沿岸城巿約4500萬年輕人，總投資額共3120
萬，每集投資額約60萬，料一年回本，衍生商品年收逾２
億，另外，玉皇朝和央視負責前期（人物造型、故事、美
術設計）同後期（剪接、配音）等制作，至於中期作畫由
鴻鷹集團加工！
唔…據之前「經驗所得」，漫畫公司掉出黎嘅數最小報大４
倍，所以數字不能作實，但對於每年２億商品價值，未免
對回報太樂觀（如果計埋老番可能有嫁），不過可以咁講
，呢個可以講係香港各大漫畫公司嘅最後希望，香港漫畫
巿場不斷委縮己經係鐵一般嘅事實（前一輪文傳股價仲大
跌四成），雖然仍然未有公司在發展大陸市場成功過，失
敗嘅反而多，但大家都對神州充滿憧憬，我地可以等睇戲
，睇下搞到咁大又得唔得啦！
「神兵小將」網址:http://www.shenbingkids.com/gb2312/
雖然上集尾睇到個下集標題，巳經有左心理準備！
但當睇到呢一幕反高潮！都不禁激起左名莫嘅感動~~~
さらば！！！！
兄貴！！！！！！！！！！！
再見啦~~大哥~~~
最近二集天元突破大發神威
由等6集仍然係充滿謎團
一下子將故事推向高峰！
故事節奏之快！在近幾年動畫裡面實在難得一見！
熱血度直逼殿堂級嘅勇者王！
大哥嘅離去，令人對之後嘅故事發展充滿期侍（仲有不安）
除此之外，亦有大量粉絲受到感動
在不同的地方都發起大哥紀念行動
甚至有日本電台制作左カミナ追悼特別番組
http://onsen.ag/meta/gurren0521.asx
當然！官網都有大量粉絲留言啦~~
http://gainax.weblogs.jp/gurrenlagann/2007/05/post_b06e.html
另外仲有GAF~~~
http://www.gaforum.org/showthread.php?t=142707&page=20
最近仲有追睇「黑之契約者」同[LOVELY COMPLEX]2套動畫
2套都好少人講，尤其係[LOVELY COMPLEX]！在GAF直情介紹都無
但都係好作品呀~~~~
有機會再介紹下
當然！因本人「反萌」嘅關係！拒絕收看らき☆すた啦~~~
之前有講開病左幾日，响果幾日因為太辛苦嘅關係，乜野都做唔到，
莫講話工作進度，甚至連打機都唔掂，唯一能夠做嘅，只有睇片…
當然係動畫啦！一次過將之前幾套想睇但無睇嘅動畫煲一煲！
武裝練金啦
反逆的魯魯修啦
ghost hunter
之前睇到一半嘅幪超kabuto
重有一大堆新番動畫
大大話話真係睇左百幾集嫁！
上一季唔題，睇左一堆今季新番之中，
最啱食可以算得上係「加力士」套天元突破啦
一來自己巳經再頂唔順「萌系」作品！
二來呢套作品相當「熱血」和「惡搞」=我杯荼！
而且「加力士」一洗呢幾年tv版動畫嘅頹風！
制作認真落力！睇左頭三集，精彩！
好耐無睇過畫面動作睇到「哇哇」聲嘅作品
唔單止我，網上的討論和日本方面的反應都好熱烈
但就因為咁，出左事啦！第四集！
(0)