多謝一下堅少去日本幫我買本好野返黎~~
感激!!大感激呀!!!!!!!!!!!!!
上個月轉左工,
新工作其實係跟返之前果個老細,
不過今次唔同嘅係,
唔係sales,
今次坐office,
對於做左十幾年sales嘅我
朝九晚五同放紅色假期一直非常憧憬
雖然工作量都唔少
不過相對返之前果份
可以做到人嘔嘅sales
巳經係天堂同地獄嘅分别
希望做順左之後,
可以報番d課程増值下啦~~
之前同老細出差拍香港風景,
對住呢個只有响postcard至見到嘅香港,好陌生…
上星期仲因為工作關係,可以免費搭昂平360~~~~
之前不停落雨,點知果日陽光普照,
我仲特登拿住把大傘,….
最近幫game果面畫o既圖..
新的基地終於安頓好,
座落於太平洋,
係一個地勢偏僻,
鳥不生蛋的好地方
為左解決食巿希少的問題
特別購入一系列的煮食工具
以後上廠除打機同畫公仔之外
仲有得玩下煮飯仔!
唔錯唔錯…
最近睇返d之前無睇o既舊動画,
有幸睇返現視研2「衝擊的第5集」
利害利害…
聽沙兄講套「電腦線圈」好似好唔錯
而且仲攞左個07動畫獎
跟住就睇呢套啦~~
唔…雖然是遅左少少….
而且張圖仲未完成(做好再貼上來啦…)
但是都要祝大家情人節快樂呀~~~~~~~
自從日本返港之後，
之前復活過的PS2再次宣告死亡，
而且今次係真真正正地壽終正寢，
一大堆從日本買回來的PS2 game頓時化為裝飾，
只許遠觀而不能洩玩！
最初二星期還好好的，
之後就有「牙癢癢」的感覺，
好想打RPG，
心想不如買番部ps2啦！
但係主新又要千幾蚊，
二手又信唔過，
諗左幾日，要買ps2不如買部ps3啦！
一來可以睇下「藍碟」，
二來可以打番ps2 game！
諗清楚又覺得，如果買ps3，
一來我屋企只有部十年前古懂crt電視機，
二來我又無ps3 game想玩（除左隻魔界戰記3之外），
諗下諗下好似好「唔底」，
「叉盒三百六」反而有好幾隻game好有興趣！
而且D GAME仲平過PS3好多！
不過，諗心一層，
「叉盒三百六」唔單止有「可怕」的三紅災難
(身邊有二位機主朋友全都中招！中招率係百份百！），
而且好多我想玩既都出左電腦版，
再深入探討一下，
買「叉盒三百六」，不如更新電腦！
一張8800GT都係千九蚊！
再唔係ATI張3750都係千三多(asus 512m版本)，
d game肯定夠玩(唔開到最高的話）！
而且對部電腦有好處，
我巳經受夠電腦張雞雞史前DISPLAY CARD(ATI X550)，
最近就連玩H-GAME都開始力有不逮…
好！決定玩電腦GAME啦！
但買乜野RPG玩好呢，
因為DISPLAY CARD最快都要等手頭份FREELANCE做起或者月尾出糧至有錢買，
所以D鬼佬GAME可以唔洗買住，
但日式RPG可以買隻止止渴先，
不過要數到日式的RPG GAME，
電腦版可供選擇甚少！今日响「陶大」就比我遇到佢…
基本上電腦版日式RPG GAME廠，
我玩過覺得好玩既只有ALICE-SOFTo既「蘭斯系列」（小朋友唔好問係咪黎）
同FALCOMo既「伊蘇國系列」(由PC-ENGIN CD ROM第一、二集開始玩啦）
舊既英雄傳說都玩過幾集，
但新既就完全無掂過，
上GAF見好多人話好玩，
見又唔係貴-$260，又送勁多野！
除左隻GAME，又SOUND CD、又圖文小說、又攻略集（仲鬼死咁厚）！
睇下睇下好似好低喎~
於是就去比錢啦！
殊不知收錢個哥仔突然响櫃底拿左舊野出黎「送嫁」！
話！仲大盒過「禮盒裝」隻GAME，
原來係「路由器」，牌子係FON(未聽過）
802.11b＋WiFi(制式應該好新下，睇開E-ZONE介紹都係咁上下），
見個盒寫住原價$119個大洋！
唔！呢個可能係我今年買過o既野裡面最抵食夾大件既消費品之一，
如果大家仲煩惱緊買乜野聖誕禮物好o既話，
不如就佢啦！不過聞說「路由器」數量有限，要買快手啦！
ps:話時話，我砌左咁耐電腦都未用過路由器……
佢究竟有乜野用嫁呢……
前一陣子做上色的插畫,
原圖是沙兄的作品,
試用了和以往不一樣的上色方法去做,
反應很不錯
從日本返港踏入第二個星期,
不知怎的還是沒有什麼的心情寫下旅行的種種,
如果有興趣的朋友可以去堅少的blog看看~~
http://channelkinkin.mocasting.com/p/142685
反而最近二日gaf有人討論有關未來一年漫畫的事情
一時興起就寫了一些個人意見
大家的留言也很精彩~~
可以到這邊看看
http://www.gaforum.org/showthread.php?t=168003
最近幫朋友做d game人設~
九月中開始
突然之間上唔到mocasting.com(即係呢個blog),
一直以為呢個網站down左,
過左個多星期,同朋友傾開,
至知原來問題係我度,
試過改設定,
試過轉網頁瀏覽程式,
甚至試過重裝window,都係唔得,
最後打電話比香港寬頻 ,
左約右約搞多幾個星期
終於check到
係mocasting.com ban錯左我accound
上得番呢度又到左週期性死window….
總之,我又返黎啦~~~
(0)