2007年05月13日
如果有去開沙兄同堅少個BLOG睇下，都知道最近呢面有D新野搞，而呢
幾張CG都係新企劃嘅東東，堅少畫我上色，要叫做新企劃係太嚴重啦，
而家新落黎嘅目標，都只係想做一D可以令自己同大家做得高興為目標，
諗下諗下，今年好似係第一張CG噢…..
(0)2006年11月01日
承繼每次「例遲」嘅優良傳統，
為大家送上遲上一天(或是早上一年）的萬聖節賀圖！
祝萬聖節快樂….
2006年10月28日
前兩個星期發生發一件對我個人黎講非常之唔開心嘅事，我咁大個人 第一次遇到呢種事，失落左好幾日，總之，事情過去左，我亦都離開 左果間公司，回復無業之身，諗左好多有關「將來」嘅事，響呢個幾 星期，意外地發現，原來有好多人關心我，我指嘅係舊公司（馬莎） 嘅同事，好老實，我一直無將佢地放響眼裡面，當然，工作嘅時候大 家都有講有笑，但都只限如此，從來我自己都無將心交出黎做朋支， 離開左公司嘅一年多面一次都無塭過佢地，但呢一刻我出左事，佢 地竟然主動聯絡我仲加以幫助！雖然最後都係幫唔到乜野，但有呢個 心已經令我好感動！ 最近閒人老師買返一套「寄生獸」精裝本，之前無睇過，一睇之下，精彩！
2005年10月12日
之前幫樂文做嘅彩稿變左宣傳海報，第一次自己有份做嘅稿見街呀!
前幾日有幸比熊人老師徽召做救火隊，於是在樂文做左三日阿旺的助理，等一次用mac機做稿，其賣同PC都無乜分別(一樣會HAND機)，響臨完成之前(星期一晚，只欠幾版)，突然出事！見到幾個助理大為緊張，原來出菲林之後撞網，後來聽講助理們嘅景大部份網要重新做過（好彩我同熊人老師只負責做人)，希望佢地趕得切出書啦！
開始睇哈利波特最新一期-混血王子的背叛，究竟JK羅琳寫完「哈利」仲會唔會寫野呢？
同時開始睇電車男TV版，睇左四集，好睇呀！
2005年10月01日
已經過了好幾天，心情總算是平復了一點，想不到有年多沒見，「她」仍和以前一樣，一樣的漂亮，一樣的清秀，一樣的搖動我的心，我一直以為自己已經看淡了啦，想不到再見時才發覺自己無變，一樣的貧窮，一樣無語，一樣的喜歡她，唯一改變的只有自己人老了，頭髮少了，和她的合照，只看得出自己是多麼的配不起人家，我真的不想讓她看到現在的我，一無事處的我，看電車男第二期，突然覺得主角和自己的處境相約，只是我遲了三年，想著想著，眼淚就滴下來了….
2005年09月21日
之前因為舊HDD死左，除左之前有upload過上網的CG之外，其它全部無晒！所以一直無更新過CG，前幾日再執番部舊HDD出黎試下，竟然開得番！不過只係一陣，佢就再無反應，好彩都拿得番局部CG，仲有game ram同少少歌(大量mp3同所有動畫流失中>__<'')，所以呢終於叫做更新左D CG啦！
今晚同呀骨堅少睇左我愛奇樂奥(日文版)，部戲前面都ok，最衰尾收得唔好，不過重點係面頭介紹左２部新片，電車男同添布頓部「屍新娘」！非常有趣呀！快D有得睇就好啦！
仲有睇戲前響旺角童年夢買到糖果子9呀～精彩！
最近努力練習彩稿中(圖乃未完成CG)
| 1