商台最新一個大的廣播劇「黃金少年」
http://pshweb01.881903.com/framework/pccs.gateway?url=jsp/event/main.jsp&menuID=1&page=goldenTeenage.main
尋日開始第三集，呢個劇在這個時間出現真是非常及時，因為以前的
廣播劇一般是愛情就是搞笑，今次的創作是一個科幻故事，和我們
現在所想走的方向好近，可以做一個很好的借鏡！
就以第一集來說，怎樣將最能吸引人的地方做出黎令人繼續追落去呢
？故事用絕對性格的角色去撞出予盾，再用對比式的故事方式進行，
這是一個很基本的故事表達方法，在介紹故事時知道某角色會出現危
險（被屈殺人同佢老婆離開佢），於是一開始呢個角色被設定成德高
望重和家庭和睦，但平靜的生活慢慢出現裂痕，好容易令讀者有想追
落去的衝動，突出絕對性角色能令讀者更容易明白和投入角色！
最近不停想不停想，怎樣去改善創作的「質」同「量」呢，睇左好多
網上發言和文章，在方法同方向上面都有一點新的構想，明白到在「
企劃」作品階段的時候自己可以參與同扮演角色的比重可以去到幾遠
，作品要不是被創作出來，是不會得到任何的評語回應和改善方法，
最起碼要找到更多更多可以改善的地方（作品的創作上），想來想去
，還是想辦法更加努力吧，自己要是不更加努力的話就太對不起讀者
和作家們啦！
昨日很難得有人訪問，也可以說是朋友聚舊吧！
很多謝「友好樂園」同人啦！其實個人沒有做過什麼準備，又很緊張！
所以在回答題問的時候要不是思考良久，就是問非所答（大汗），
辛苦那邊的編輯了！
留一條友好樂園討論區的link
http://friendship.paradise.jwn-hk.com/cgi-bin/guestbook/mimic2.cgi
ps:另外要多謝「友好」的地方是，我終於都有張銀河少年全員大合照啦！
（我那邊的老師們都很怕照相啦！）
最近不是一直寫文章，就是對著電腦做網頁，很久沒有畫東西啦～
最近一個不少心，把打了近二百小時的魔界戰記２的紀錄洗掉了～
呆了近三十分鍾，當場體驗了欲哭無淚的感覺….
為左記念而畫的羅莎理（未完成）圖！
今日係出書後第一個開會日，特別安排左一個
批鬥大會，比大家睇番一Ｄ街客o既意見，然
後再去慶功宴，諗住慰勞下大家，但係，經過
左批鬥之後，大家都進入「自省」mode，當然
，意見有贊有彈，有些情況難免令人感到失落
，儘管席間興高采烈，但偶矣還是感覺到沈重
的氣氛，或者，只有我感覺到…..
希望大家睇開Ｄ！化悲奮為力量，有覺得做得
唔好就第二期做好佢！加油啦！銀河少年們！
休魚期完結，要諗o既第二期同以後o既方向亦
有定案，好又要開始戰鬥啦！
尋日為左宣傳本書走左去旺角的書屋派宣傳海
報，開頭戰戰兢兢，又等到間書屋無人至敢走
埋去細細聲問：「可唔可以借個地方做宣傳…」
「唔得喎！」「呀……….orz」比人拒絕左２次之
後我明白左Ｄ野，就係先比左張海報佢先，然
後再問，佢就會問：「你地邊間發行？」「我
地係同德做發行！」「呀～係係我一陣幫你貼
出黎呀～」態度轉變180度，大發行個朵真係響
，好彩之前無聽人講轉發行咋！
轉眼間派左十幾間，開始諗到個問題，其實，
第一期係唔發書屋嫁，所以當去到一Ｄ熱情o既
書屋..「咦！本書幾靚！係咪同德發！（我未講
佢巳經知）幾時發街呀！」「四月＋八」「呀～
點解張海報唔印大張Ｄ呀，你地係出版社…….」
突然個心就好痛「唔係呀！其實Ｄ書只係發報
灘，係唔會發書屋嫁！我只係利用你地黎做宣
傳咋！」呢句話說不停咁響心裏面納喊！望住
書屋果２位店員興高采烈傾談我地本書o既笑臉
「呀～麻煩晒你地！」我唯走轉身就走….
呢版幾日後就要發全香港…
從小時候隨處塗鴉，小三畫第一篇漫畫，中五
會考唔讀書参加漫畫比賽，二十歲出第一本同
人誌，到呢一刻親手拿著自己製作的雜誌，有
種再向前走一步的感覺……
(0)