永遠之夏

動漫節終於又完左，今次因為要返工的關係，要到星期一放假至去得，
下午去到會場見到Ｄ入場人龍真係嚇親，好彩今次堅少有PASS，所以
都可以好快咁入倒去走左個圈，無乜點買野就走左…

會場內同書展一樣人山人海，最後報道入場人數有49萬人次入場，比
去年增加6萬9千人次，亦是舉辦八屆以來最多的一屆。幾乎全港青少
年都有入場，感覺上香港青少年好支持動漫，但只要有去過會場睇過
就會知完全唔係呢回事，究竟呢49萬年青人有幾多支持「香港漫畫」
？我諗連1%都無(打個比寓，朋友光管兄有新漫畫單行本推出，如果
1%人支持就應該賣到五千本，當然我唔知實際數字…）至於動畫就
更加無厘頭，除左有個位介紹國內動畫展之外，就只有少量鋪頭買日
本動畫VCD…

今日係骨爺生日，響度祝佢生日快樂，FIGURE越買越多！

前日我，堅少，閒人老師，熊人老師，棋哥加sui姐一行人就去左灣仔
食日本料理慶祝兼傾稿，Ｄ料理雖然一般般，但很久沒有一大班人一
齊食日本料理（有Ｄ懷念上年日本之旅的日子），大家嬉嬉哈哈左一
餐都好高興，之後仲有「sui姐偷睇眾猛男去厠所事件」都叫而家Ｄ細
路女唔好睇咁多BL漫畫嫁啦，而家見到真嘅嚇到咁驚何苦呢！其實被
看光嘅眾猛男先係受害者呀

開始嘗試用假針筆上線圖…

今日報章報道，無線配音員盧素娟小姐，上週六因腸癌與世長辭

相信香港無論大人定細路，一定有睇過「叮噹/多啦A夢」，大雄（盧素
娟小姐）同叮噹（林保全先生）二人嘅聲音，陪左我地二十幾年，以後
再聽唔到她的聲音，真係有種「失去多年朋友」的失落感覺，之前要我
接受叮噹變成多啦A夢還可以，但我諗我接受唔到另一把大雄聲音的「叮
噹」啦~~~

一連好幾天沒有寫日記，原因之一是手寫板又掛啦，這本不是什麼新
鮮事，手寫板這傢伙，隔三、二個月總是會罷罷工抗抗議，唯一的解
決方式只有另聘高名…

說穿了就是又要破費啦，真幸運的我現在身無分文–該死！

前幾天老細又返到香港這個大家庭，昨天晚上傾談之間，約好了今天
早上一起去香港書展，因為星期五之後我又要開始朝九晚五、令人抑
鬱又興奮的上班生活啦，於是今天九點多就彈了起床，高高興興地出
發了，到達灣仔的時候，還因為遲了十五分鐘而擔心著怎樣向苦苦等
候的老細道歉，於是在這一個時候，膽戰心驚地打了一通電話給老細
，電話一接通我即連忙道歉「對不起！遲了一點，我到了灣仔，你在
那裡？」「…屋企！」，呀！屋企！多麼一個讓人心安的地方，「…
你在屋企—-！」「對！我很倦，你就別等我啦，拜拜！」

於是乎，
在這個天清氣朗的美好日子，今年的「一人書展之旅」開始了！

http://www.oricon.co.jp/tv/top20/ 

本周日本oricon排行榜最新TOP20（20060712）
Mr Children的最新細碟「箒星」成為冠軍

其實又一Ｄ都唔出奇，因為Mr Children推出過的細碟 
巳經連続13年、全部24隻獲得日本細碟磅冠軍！
以記錄（連続日本細碟磅冠軍)來說排第二，
(B`z第一，連続日本細碟磅冠軍17年)

但銷售數只有25.4萬(一周間)，比上隻細碟「四次元」下滑了啦～
（個人卻應為「箒星」的歌比「四次元」好聽啦～

 好!看看其它排名吧！

先前才有網友留言，說日本的POPN14推出NET對戰啦！
卻因為我們香港這邊的遊戲機中心，
沒有連結e-AMUSEMENT的服務，無緣一玩，
失望之餘，卻發現近日出現了新一輪的event！

等你很久啦！FEVER戰士POPN14!!!!