永遠之夏

我都講下CW22啦～

本來諗住要返工唔去CW，但看見「上下華盛頓老師」的新作又心思思
想睇下「街客」反應，所以最後都係去左，今次老師一洗以往例遲的頹
風，本書早幾日巳經印好，所以朝早老麥食完早餐之後，上到廠只係拿
野就走！完全乜都唔洗搞之餘，個個樣都精精神神靚仔晒！利害！比十
一點左右就去到會塲，發現格局同以往好唔同，登記巳經要上到三樓！
而且上到去仲見到成條人龍鬼咁長坐晒响地！原來係「街客」，聽講最
早果個晨早七點巳經黎排隊，睇黎下次極大機會有「通宵排隊」啦

今次CW同之前最大的唔同，就係分左兩個會場，之前一直諗，會唔會
係參展組太多，所以分塲呢？當去到會塲一睇，又唔係呀～感覺上兩個
場加埋分分鍾唔夠以前個塲大，要講加大左嘅只有「舞台」部份，個人
覺得分左兩個場都有好處，可以兩處走，有Ｄ野做下，無咁快悶，我地
張枱響正舞台後面，有好多「空間」洗，早知做Ｄ「易拉架」啦～安定
好之後聽聞呀KAI老師有新作推出，二話不說就同堅少衝左去PK SQUARE
檔！仲可以同偶像呀KAI老師傾到幾句！真光榮呀~~同堅少再行左個圈
，突然有高興嘅感覺，之前成日聽好多「CW之後會比COSPLAY取代，
同組織唔再出書全部改賣精品呀」等等嘅言論，的而且確，大陸(比COSPLAY
取代)同台灣(唔再出書全部改賣精品)係咁，反而早發展嘅香港大家仲好
熱心「創作」，唔理改篇定原創，都見到每個組織最少都有一本書！我
覺得係因為「同人誌」嘅根基打得穩！因為無數同人誌前輩所付出的青
春同努力所至！適逢呢幾日係係「同人祭」十周年！相信同人前輩們睇
到今時今日呢番景像，都應該老懷安慰啦~~

講番自己檔，老師首次推出的18X本，反應異常熱烈，不枉老師在本子
上面所花的無數心力，因為係18X嘅關係，唔單止買，就算想試睇都要
CHECK ID，我地知道呢種事係最緊要，絕唔可以手軟！真係辛苦晒老
師！之後要返工的關係，一點左右就走左，聽講老師本子全數一百本到
三點半賣晒，這可是畫同人誌十年來首次！亦証明左老師所付出的無白
費！恭喜老師呀～

因本人不才另加無數預計不能的問題，預定CW22出版的「魔界本」要
延期推出（既係CW出唔到…orz)

各位看官如果年滿十八歲而又持有香港居民生份證嘅話，請支持同枱另
一位老師「上下華盛頓老師」的作品

枱號是U6「上下奇績莊」詳情請參閱CW場地圖和位置公報
http://www.cwhk.org/

ps:當日要上班的關係，我想今次去唔成CW啦…orz

祝我生日快樂-，祝我生日快樂—
祝我生日快-樂~~~
祝-我-生-日-快-樂~~~~~
多謝~~多謝晒~~~~
剛剛過左嘅22/8係小弟牛一

今年好開心，過左一個好盡興的生日，仲收左好多好多禮物添
一朝早起身就感到頭重腳輕，仲不停流鼻水同咳，
我知道呢個絕對係身體因為生日而興奮嘅表現，絕對唔係傷風

朝旱五點三就返工，身體一直保持往呢種「因為生日而興奮嘅表現」
直至下午四點收工，興奮真唔好受呀～

返到屋企沖左個涼，更新左日記之後就出旺角啦，出旺角做乜？有人
約左我慶祝生日囉！邊個？果個人叫「自己」…

大家睇下！呢Ｄ就係「自己」送比我嘅生日禮物啦~~~
係咪好豐富呢？仲未算！最緊要全部都係我想要嘅野，
尤其係最下面嘅生日甜品「幸福傷風咳素」呀~~
講到明食左會幸福嫁！好開心呀<(>口<''')/

仲唔止！「自己」仲請左我食豐富嘅生日大餐添，
真係一邊食一邊感動到想留眼淚呀~~(;___;)

最後，感謝某君send sms比我祝我生日快樂，全世界只有你記得我生
日咋！唔係得你個sms，自己都唔記得今日生日呀～

真係辛苦晒呀!!!

第88届全日本高校野球大賽最終於昨日完結
恭起首次奪得優勝寶座的「早稻田大學系屬早稻田實業學校」

今年的總決賽異常激烈，有挑戰三年霸的大熱門「駒大苫小牧」對首
次打進總決賽的「早稻田實」，總決賽日期是前日(20/8)的阪神甲子
園野球場，兩隊展開緊密的攻防，直至第七回合仍然是零比零，第八
回合，「駒大苫小牧」突破防線，取得一分！同一回合，「早稻田實」
拚盡全力，成功取回一分，法定九回合內力保不失，接著的延長賽展
開激烈拉鋸，打到第十五回合還是一比一！打成平手，要於昨日(21/8)
舉行相隔37年來的決賽重賽！

21日重賽，「早稻田實」乘著「駒大苫小牧」的防守失誤，在第九回
合維持四比一優勢，第九回合（最終回合）「駒大苫小牧」拚死抵抗
，一開始在無出局情況下打出一疊安打，接著三棒「中沢」擊出全疊
打連追兩分，迫至只差一分距離，「早稻田實」全力防守，最終一號
投手齊藤佑樹（3年）在筋疲力竭的第九合回連續投出多個時速達150
公里的超速球連殺三人！贏得首次優勝！

http://koshien.asahi.co.jp/index.html

星期日開完會之後一齊食晚飯嘅時候，大約8點幾突然收到細佬的來電
「哥，呀爺去左啦….」當堂嚇左一下，其實呀爺之前巳經有嚴重肝病，
醫生講過呢個病唔會好，尤其呀爺巳經八十三歲，只能夠不停抽水做化
療令佢舒服Ｄ，再講我地都無錢同佢做換肝手術，所以一早就有心理準
備，好聽一句，就係佢唔洗再受苦，殘酷嘅事實係我地都鬆一口氣…

食完飯之後再收到媽電話「要立卽返鄉下…」
即刻打左電話返公司請假，又問人借左幾千，就咁樣卽刻飛的去火車站
上深圳，十點幾同家人會合之後包左一架七人車去惠州，到鄉下「白田」
嘅時候巳經十二點幾

鄉下白田是一個古舊農村，而且全村都係同性親人，去到嘅時候幾個世
叔佰就帶左我地去「祠堂」，呀爺被放左響伺堂一角，同Ｄ叔伯傾左一
輪之後，就叫左弟婦帶呀媽同二個細路（五歲同二歲）去「馬安」租旅
館瞓一晚，我同2個細佬留底「守夜」，因為我係「獨子的大孫」，呀
爸又唔響度，再者我唔識聽同講鄉下話，所以都好緊張同辛苦，最後Ｄ
叔佰走光，只剩我地幾兄弟同二個叔伯守夜，過左一陣佢地就響另一邊
全部瞓晒，老實講，古舊的祠堂，一個人對住「全無處理的屍體」一晚
，周圍怪聲又多，都真係幾恐佈…

第二日十點就送黎棺木，開始左Ｄ奇怪儀式，一點就去火葬場，燒完之
後仲要去睇返「燒」得好唔好…拿住呀爺骨灰就巳經直按上山安放，行
左一輪山巳經下午五點，安放好之後返到村（步行個多小時）做一下儀
式之後就請所有叔伯同打齋佬去馬安食飯（飯店包左三圍），之後立即
返香港，到屋企已經係零晨時份，搞左足足一日二＋四小時，第二日又
要返早上八點（早知請多一曰假），到而家仍然非常疲憊，而且仲有意
想不到的麻煩事要事後處理…

不過呢一刻都係唔理，瞓啦….

上個月尾的新工作地點正好就係「香港國際機場」，前幾日颳風由開
始到終結的幾日我都有返工，無論禁區外定禁區內都親眼目睹大量滯
留的旅客，所以都有Ｄ自已嘅睇法，颱台當日，據報道在昂平和赤鱲
角錄得風速達每小時百多公里，直達到十號烈風程度，但個人可能好
運，在返工和收工都無大雨，只係好大風(等二日返工時，見到有好多
樹倒下）

尋日開始，就有好多香港旅客拿住港龍的現金券黎買野，仲買得高高
興興，但只見國泰果面就好亂（當然啦，其實成個機場都好亂，只係
國泰果面人特別多罷），據報因為怕旅客轉乘其它航空公司，國泰無
向外宣報航班取消情况，旅客打電話問唔到資料，唯有親身走黎機場
check住，繼而做成大量旅客滯留機場，在網上見到好多人批評國泰
，甚小有人批評港龍唔係無道理(雖然國泰將收購港龍…）

風球當日生意額聽講係開機場以黎最差，直至星期六機埸基本上巳經
清左好多人，不過仲有人滯留，在禁區裡面有台灣旅客大聲叫駡「台
灣的同志們！香港什麼什麽的」大叫，當然唔係好野啦(機場特警一到
就即刻收聲啦），禁區外我鋪頭對面旅發局的counter就仲有好幾個
黑人旅客瞓地，巳經第三日了啦，真難為左佢地，聽同事話因為佢地
Ｄ航班好少（一星期只有幾班），所以都唔知要等到幾時，離佢地不
遠處仲有廣告寫住「香港國際機場，2005年全球最佳機場」真諷刺～

ps:講起諷刺，唔能夠唔題下無線新聞，之前颱風派比安的報道，報道
大約講「天文台預計風力唔會增強，唔會改掛八號風球..」時畫面就插
入有女子在尖沙咀比強風吹倒的垃圾筒撞中，大風到要抱住另一條柱的
畫面，另外尋晚報道天文台長林超英嘅時，講到佢認為天文台無錯嘅時
候，報道員身後出現左一幅林超英陰陰咀奸笑嘅圖片！我都忍唔住笑左
出聲~~

在網上第一次聽到呢首歌，就被深吸引住，yui的歌聲真係好特別，於
是在網上搵左小小資料，原來「雨音薰」係6月17日上映的日本電影「
太陽之歌」女主角的名字(yui飾演)，是一個不能接觸陽光，只能生活
夜空之下的絕症(色素性乾皮症)少女，和一個男孩的愛情故事
http://www.taiyonouta.jp/

老實說，雖然歌是好聽，但我對於主角患上絕症，生生死死的愛情故事
異常反感（所以我不太喜歡「在世界中心呼喚愛」），始終，兩個互相
相愛的人，最後不能一齊的故事，有好多好多的發展形式，個人應為「
絕症」是比較低手的形式之一呀~~~