2007年04月13日
上星期開會時侯堅少話新一期「アニメ–ションノ–ト」有新海誠同草薙，於
是尋日心思思就走左去賣物王買左，仲連上期一齊買添！其實之前無買過
，加埋成二百幾蚊！都好驚裡面係流野(之前試過太多啦！)，但係見到
「草薙」同「新海誠」呢2個名，呢個憂慮唔夠半秒就轉左做「自動導航」
左去比錢啦….好彩本野都幾多野睇！
而另一本(上一期)係松本大洋部「鉄コン筋クリ–ト」做封面，電影節時候因
為太遲買飛睇唔到，而且因為悔恨買唔到堅少本資料集！不過當然，見到今
敏個名點都要支持下！
(0)2007年01月15日
唔，無端端有日補假，可以做一Ｄ想做好耐但又無時間同精神做嘅事
-執屋-
識得我嘅人都知，我唔只係一般無手尾嘅人，凡係我經過嘅地方，唔
多唔少都會出現淩亂的旋渦，身為我的家，理所當然係混沌嘅中心！
有幾個月無洗嘅碗碟，雜物多得無空間再瞓嘅睡床(成床都係漫畫同
雜誌，有試過瞓瞓下塌書被活埋嘅經驗…)，甚至係果個充斥無用垃
圾耗盡資源嘅HDD（原本250G，得番2G幾…)，我覺得係時候要做
個了斷…
花左五個小時，終於自己張床瞓得番人之餘，仲張有「次元」之稱嘅
上格床清空！其實一直有心張「上格床」改做為工作間，今日終於得
償所願！
四點幾見有D時間，就出左轉旺角，買左Ｄ漫畫之餘，終於比我買到
條「樂鷄亞」手機接電腦嘅USB線，其實用左而家部機都差唔多成年
，每當想張MP3過落手機或影到嘅相過返電腦，都係用一個非常苯嘅
方法，關手機拆電池取出SD咭，入咭READER再過電腦，過完之後插
番晒落部手機之後，仲要重新SET過晒時間日期鈴聲同WALLPAPER…
每日一次，而家舒服晒！條線都係40蚊咋…
買左本電腦廣塲一睇至知，原來今日係電腦展lastday，見六點幾就
過深水埗一轉，前幾次都無去過，今次第一次去電腦展，由出地鐵果
下己經見到人山人海，幾經辛苦走到黄金，外面一大排攤位不停叫賣
，Ｄ野真係平到，Ｄ1G手指同SD咭賣幾十蚊，就算2G都係百幾蚊，
有Ｄ後悔上個月尾買左二百五…不過，都唔夠LCD芒犀利，最平見到
19吋賣一千一百幾！最衰我無錢咋！買幾部黎「炒」都抵呀！
不過無買LCD唔代表無出血，除左買左DVD+R清一清HDD之外，仲買
左部ALL IN ONE PAINTER，HP OFFICEJET 4355，因為而家唔多
時間上廠，有時畫左Ｄ野想上色練下，屋企又無SCANNER，所以一直
想平平地買部SCAN+PAINT，其實而家呢部都唔可以叫PAINTER，除
左SCAN+PAINT之外，影印，FAX，仲有埋電話(電話筒+內置MODEM)
！咁啱呢輪屋企個電話壞壞地，FIT晒！全套服務都係$950仲送你一張
$50惠康禮卷！抵！
2007年01月07日
前幾晚收到光管兄電話，話CW今期出左事，有無收E-MAIL云云，當
時啱啱放工，人唔係太清醒，番到屋企無CHECK E-MAIL！
第二晚熊人老師打黎叫我，我至CHECK伊貓箱…無事呀，無CW嘅信
，我仲叫熊人老師放心「放心啦，我地可以走後們，堅少識TG坊…」
(請大家別誤會，我講下咋！CW係無得走後們嫁！)跟住睇下Ｄ信…
咦？有封係CW寄黎喎…
由於是次参加組織眾多，故貴組織因額滿而不被接納﹝CW23﹞…
喂…
對…對唔住呀！熊人老師~~~~~
2006年12月31日
自從踏從十一月中，轉了一份時間頗長的新工作開始（但月入有萬二、
三左右，而且總算是升職做主任，算是不錯啦），時間就一直離我而
去，輾轉之間，一個多月過去，直到今日，06年最後一日，明早還得
七時早起，還是忍不住想說點東西！
06年可是我人生三十年以來最精彩的一年，發生最多事的一年，認識
最多人的一年，要是有時間的話，真希望能夠詳細一點將之記低，但
還是下次吧，總而言之，今年最大的得著，是實質地明白和感受到自
己的不足之處，可以話睇到自己的路最還可以「去到邊」，我認為是
一種成長！
還有，要多謝好多好多的朋友，無論是不分彼此堤供幫助我的人，互
相支持鼓勵我的人，還有帶給我痛苦回憶的人，因為你地令我今年變
得精彩！下年還請多多指教呀～
2006年11月27日
「你知道嗎？」
「櫻花飄落的速度…」
秒速5CM
在「秒速5CM」的公式網站http://5cm.yahoo.co.jp/裡，推出
了讓各位迷哥迷姐引頸以待的最新預告下載(20/11-27/11期間限
定），在這90秒的預告片之中，除了發表了主題曲山崎まさよし主
唱的「One more time, One more chance」之外，最重要當然
是那個讓人久違了的風景和感動，相比起「雲之彼方，約束的塲所」
時畫面感染力更進了一大步，當然天門的音樂也是功不可沒，總而且
之是這一年之內最令我目定囗呆的動畫！如果DOWNLOAD不到，也
絕對要借朋友的「高清版」來看，和在youtube看的感覺差很遠呀～
(閱讀全文)
2006年11月24日
2006年11月05日
無端端有朋友請睇戲，彭仕兄弟嘅「妄想」，
老實講，部戲非常一般，
情節要由頭到尾其實只要15分鐘就可以講晒，
但就比佢不停回想不停回想搞左個半鍾至完，
但亦有佢成功嘅地方，因為全埸９成都響一間屋裡面拍，
低成本之餘，我諗一個禮拜就拍得晒，
加埋後期分分鐘唔洗一個月就ko，
我諗跟住落黎嘅唔少港產片都會走呢個「方向」啦…
不過都要多謝呀勇呀～
尋日有時間睇左熊人老師極力推薦
北斗之拳嘅劇埸版「真救世主傳說」！
故事講返南斗帝王果段，首先有Ｄ頂唔順Ｄ配音，
因為要搵返原本舊配音，搞到幾個主要角色把聲變晒「老爺」，
但係睇下睇下，好睇呀！
最近總係對好多新作品諸多批評（尤其係新一季嘅動畫），
成日懷擬自己有問題，唔懂再「欣賞」作品啦，
睇左套北斗之拳就成個人醒返，唔係呀！
好睇作品就係好睇，唔好睇唔係我要求高，
而係最近嘅日本動畫真係出左事，
係「廢萌」呀！
(如果唔明廢萌係乜請睇最新一期「妄想戰士」啦）