永遠之夏

雖然上集尾睇到個下集標題，巳經有左心理準備！
但當睇到呢一幕反高潮！都不禁激起左名莫嘅感動~~~

最近二集天元突破大發神威
由等6集仍然係充滿謎團
一下子將故事推向高峰！
故事節奏之快！在近幾年動畫裡面實在難得一見！
熱血度直逼殿堂級嘅勇者王！

大哥嘅離去，令人對之後嘅故事發展充滿期侍（仲有不安）
除此之外，亦有大量粉絲受到感動
在不同的地方都發起大哥紀念行動
甚至有日本電台制作左カミナ追悼特別番組
http://onsen.ag/meta/gurren0521.asx

當然！官網都有大量粉絲留言啦~~
http://gainax.weblogs.jp/gurrenlagann/2007/05/post_b06e.html

另外仲有GAF~~~
http://www.gaforum.org/showthread.php?t=142707&page=20

最近仲有追睇「黑之契約者」同[LOVELY COMPLEX]2套動畫
2套都好少人講，尤其係[LOVELY COMPLEX]！在GAF直情介紹都無
但都係好作品呀~~~~
有機會再介紹下

當然！因本人「反萌」嘅關係！拒絕收看らき☆すた啦~~~

如果有去開沙兄同堅少個BLOG睇下，都知道最近呢面有D新野搞，而呢
幾張CG都係新企劃嘅東東，堅少畫我上色，要叫做新企劃係太嚴重啦，
而家新落黎嘅目標，都只係想做一D可以令自己同大家做得高興為目標，
諗下諗下，今年好似係第一張CG噢…..

有好多好多年無入過紅館聽演唱會啦～

唔洗諗啦，買左山頂飛，點影都唔會影到「五月天」嫁啦~~

今年五月係一個屬於演唱嘅季節，尋晚就有幸聽到五月天嘅演唱會，我
諗唔洗介紹，五月天呢隊樂隊相信好多人都聽過，去過好多地方開演唱
會，在中港台有非常多「粉絲」，尤其台灣，可算得上國民樂隊了吧！

今次係我第二次現塲聽佢地演唱，四月頭去過台灣响「墾丁」的「春天
吶喊」（那是每年一次４月在台灣最南面墾丁巿的活動，一連三日有三
個大型演唱會早到晚不停舉行，幾乎所有台灣的樂隊同獨立音樂人都有
份參與）之中就近距離欣賞過一次，之後，我朋友向我提起佢地五月香
港有嘅演唱會，我立即舉手參與！

其實，我唔係佢地「粉絲」，當然有聽過佢地嘅歌，但就此而己，但是
演唱會最緊要嘅，係現場氣氛，响紅館聽過夏紹聲嘅演唱會，歌手出力
演出，歡眾卻係呆若木雞，就算BEYOND都係一樣，相當多冷塲嘅地方
，但「五月天」就是不一樣，除左佢地懂搞氣氛之外，還有粉絲們嘅熱
烈回應！我和朋友都是買$100山頂票，全場企山頂，所以最能覺感到整
個演唱會那種一直高漲嘅氣氛，全無冷埸！及得上十多年前日本經典樂
隊CHAGE & ASKA的演唱會啦！

一個成功的演唱會除了歌手傾力演唱之外亦雖要有粉絲熱情投入，是兩
方面一起才能達致成功，那是娛樂事業的鐵則，其實，漫畫也是屬於娛
樂事業，有幾多漫畫人明白以上的道理呢… 

之後仲有5月18及19日在九龍灣國際展貿中心舉行的《日本動畫歌謠祭》
，熱血期待呀~~~~

之前有講開病左幾日，响果幾日因為太辛苦嘅關係，乜野都做唔到，
莫講話工作進度，甚至連打機都唔掂，唯一能夠做嘅，只有睇片…
當然係動畫啦！一次過將之前幾套想睇但無睇嘅動畫煲一煲！

武裝練金啦
反逆的魯魯修啦
ghost hunter
之前睇到一半嘅幪超kabuto
重有一大堆新番動畫
大大話話真係睇左百幾集嫁！

上一季唔題，睇左一堆今季新番之中，
最啱食可以算得上係「加力士」套天元突破啦

一來自己巳經再頂唔順「萌系」作品！
二來呢套作品相當「熱血」和「惡搞」=我杯荼！
而且「加力士」一洗呢幾年tv版動畫嘅頹風！
制作認真落力！睇左頭三集，精彩！
好耐無睇過畫面動作睇到「哇哇」聲嘅作品
唔單止我，網上的討論和日本方面的反應都好熱烈
但就因為咁，出左事啦！第四集！

唔知係咪最近衝魔獸衝得大「行」嘅關係，
有晚（定朝呢，五點半）開始覺得身體有D唔妥，
都無理，到果晚就至知出事啦！

突然全身發冷，頭同喉嚨好痛，
冲左個涼之後額頭開始好「興」

有超過三十年人生經驗嘅我當然即刻知道，
係感冒＋發高燒…..
本來諗住睇急症（無私家睇啦果時）
但心諗「呢個時候，瑪嘉烈有排等喎…」
於是食左２粒感冒丸頂住，又真係比佢頂得住喎！
於是無去醫院，過一陣又辛苦返，又食２粒感冒丸，又好以又好返D，
於是無去醫院，過一陣又辛苦返，又食２粒感冒丸，又好以又好返D，
於是無去醫院，過一陣又辛苦返，又食２粒感冒丸，又好以又好返D，
於是無去醫院，過一陣又…..

………..
最後辛苦左２日，第三日都係走左去睇醫生…….
食完藥過一陣即刻無事…..
我真係傻……

上星期開會時侯堅少話新一期「アニメ–ションノ–ト」有新海誠同草薙，於
是尋日心思思就走左去賣物王買左，仲連上期一齊買添！其實之前無買過
，加埋成二百幾蚊！都好驚裡面係流野(之前試過太多啦！)，但係見到
「草薙」同「新海誠」呢2個名，呢個憂慮唔夠半秒就轉左做「自動導航」
左去比錢啦….好彩本野都幾多野睇！

而另一本(上一期)係松本大洋部「鉄コン筋クリ–ト」做封面，電影節時候因
為太遲買飛睇唔到，而且因為悔恨買唔到堅少本資料集！不過當然，見到今
敏個名點都要支持下！

唔，無端端有日補假，可以做一Ｄ想做好耐但又無時間同精神做嘅事

-執屋-

識得我嘅人都知，我唔只係一般無手尾嘅人，凡係我經過嘅地方，唔
多唔少都會出現淩亂的旋渦，身為我的家，理所當然係混沌嘅中心！

有幾個月無洗嘅碗碟，雜物多得無空間再瞓嘅睡床(成床都係漫畫同
雜誌，有試過瞓瞓下塌書被活埋嘅經驗…)，甚至係果個充斥無用垃
圾耗盡資源嘅HDD（原本250G，得番2G幾…)，我覺得係時候要做
個了斷…

花左五個小時，終於自己張床瞓得番人之餘，仲張有「次元」之稱嘅
上格床清空！其實一直有心張「上格床」改做為工作間，今日終於得
償所願！

四點幾見有D時間，就出左轉旺角，買左Ｄ漫畫之餘，終於比我買到
條「樂鷄亞」手機接電腦嘅USB線，其實用左而家部機都差唔多成年
，每當想張MP3過落手機或影到嘅相過返電腦，都係用一個非常苯嘅
方法，關手機拆電池取出SD咭，入咭READER再過電腦，過完之後插
番晒落部手機之後，仲要重新SET過晒時間日期鈴聲同WALLPAPER…
每日一次，而家舒服晒！條線都係40蚊咋…

買左本電腦廣塲一睇至知，原來今日係電腦展lastday，見六點幾就
過深水埗一轉，前幾次都無去過，今次第一次去電腦展，由出地鐵果
下己經見到人山人海，幾經辛苦走到黄金，外面一大排攤位不停叫賣
，Ｄ野真係平到，Ｄ1G手指同SD咭賣幾十蚊，就算2G都係百幾蚊，
有Ｄ後悔上個月尾買左二百五…不過，都唔夠LCD芒犀利，最平見到
19吋賣一千一百幾！最衰我無錢咋！買幾部黎「炒」都抵呀！

不過無買LCD唔代表無出血，除左買左DVD+R清一清HDD之外，仲買
左部ALL IN ONE PAINTER，HP OFFICEJET 4355，因為而家唔多
時間上廠，有時畫左Ｄ野想上色練下，屋企又無SCANNER，所以一直
想平平地買部SCAN+PAINT，其實而家呢部都唔可以叫PAINTER，除
左SCAN+PAINT之外，影印，FAX，仲有埋電話(電話筒+內置MODEM)
！咁啱呢輪屋企個電話壞壞地，FIT晒！全套服務都係$950仲送你一張
$50惠康禮卷！抵！