永遠之夏

真係無念過… 

原本呢個只係普通到唔普通嘅日記版，
最惨仲要係個人渣筆者（即係我）又懶又囉唆
可以見到hit count有咁嘅數字….
（我唔係發夢嘛！如果係的話請永遠唔好叫醒我唔該~~） 

都係果句！感激支持~~~感激支持呀~~~

 

送上夏天賀圖一張~~~

號外！號外！各位！重要消息！

今個星期六同日（11-12/08/2007）
响數碼港（正確黎講係數碼港圓形廣場）
有一個全新的數瑪娛樂活動
 

「MEGAA POWER」

「MEGAA POWER」
中文名叫數碼同人新勢力
官方介紹是﹕
「MEGAA」乃是Music、Edutainment、Games、Advertising
和Animation的簡稱，音樂、教育及娛樂、遊戲、廣告和動畫這些統稱
為「MEGAA」的業界（…明明叫碼「同人」新勢力，但好似無同人份…）
內可行的創意工業模式，正是香港政府主力支援的開發內容，銳意籍此成
為全球創意工業翹楚的第一步。

精彩的活動包括：「數碼同人交流會」（為同人創作愛好者提供一個免費
的交流園地）、「COCPLAYERS SHOW-OFF」（為各界「Cosplayers」
提供一個無拘無束的表演平台）、「電玩歌曲大匯演」（為喜歡動畫／電
玩歌曲的友好提供一次以歌會友的黃金機會）等等，分別以不同類型的原
創活動，讓喜愛創作的年青人得以發揮才華，並跟前輩或同好交流，一起
展示屬於香港年青人的「MEGAA POWER」！

非常難得政府會搞個ACG EVENT，希望大家善長仁翁多多支持！
什麽？唔知「數碼港」係邊？（我都唔知…）
放心啦！當日下午1:30將有專車由金鐘海富中心出發，直達數碼港

或者太子地鐵站轉970號路線，蘇屋往返數碼港 ，全程收費 空調：$10.6
甚至中環(港澳碼頭)３７Ａ號路線，置富花園至中環(循環線)
全程收費 空調：$4.7薄扶林水塘落(from yahoo+)

而且，最緊要係，我地有檔！（多謝何故兄）
希望可以見到大家啦~~~

詳情請看http://www.cuhkacs.org/~hegu/Bo-Blog/read.php?255
或http://www.cuhkacs.org/~benng/Bo-Blog/read.php?752
查詢或報名，請電郵至：futurepowerhk@gmail.com

(圖片from明報 )

首先我要申報！
我係一個不折不扣嘅支持清拆人仕
如果閣下是「誓保皇后」等保育人仕
請唔好再睇落去，無謂眼火爆

以下係個人響其它討論區嘅謬論

整件事黎睇
我欣賞果班後生仔嘅熱情
更加欣賞香港警察克制，
令事件在沒留一滴血嘅情況下解決
香港警察好野！

支持清坼皇后碼頭

要反對嘅話，唔該响幾年前工程拍版前反對
唔好人地約簽好晒工程開始晒嘅時候
「突然」走出黎話個碼頭唔係香港政府嘅，係「佢地」嘅

如果要留返個碼頭，政府除左要陪好幾億比發展商 （幾億响社福界可以幫到幾多有問題家庭，教育界又可以殺小幾間校…） 而且工程廷誤會令幾千個建築工人無工開 中環區嘅交通問題亦唔會得到解決 （如果你朝早返工經過中環嘅話你就會知道有幾難受） 佢地嘅回憶值唔值得羲牲以上咁多 如果值嘅話佢地又會付出乜野解決以上問題？ 請「保育」人仕答我~~~~~~

有網友fiedlkhlkh回應幾有意思

「在歷史上有不少人誓死擺脫殖民地的統治，有訴諸暴力的南非曼德拉
，亦有堅持和平帶領群眾集體不服從殖民地政府法令的印度甘地，兩者
都力排殖民的統治和文化，現香港現在誓死保衛殖民地象徵的皇后碼頭
，兩者實在相映成趣，更奇怪的是保衛皇后者並非英國人或殖民地擁躉
。是香港人奴性太強? 對炮艦征服者強搶人家土地財物者(尚有不少財物
在大英博物館)生傾慕之情，竟令我想起艾慕杜華捆著我綁著我的劇情，
受害者最終會愛上綁匪?還是香港人像御宅族般對這建築物興趣和懷念高
於政治和民主? 堅持保留實物不要模型，這裡從沒有人誓死寫血書為香港
爭普選但有人為皇后流血?…

…其實這捍衛皇后的英雄事蹟如果在中英聯合聲明前發生就好了，那麥
理浩可同鄧小平講香港人有幾熱愛殖民地，就連有皇后字眼的碼頭都可寫
血書誓死保衛，如果收回香港豈不是死得人多? 如果有人夾硬將殖民文化
同皇后碼頭分開討論，就實在膚淺，因為沒有殖民的歷史和文化的價值和
皇后所紀念的意義，這碼頭就只是一個招牌和幾條石柱，難道我們的人生
沒有比保留這石頭更崇高的理想嗎或者爭取普選將保留碼頭的權力歸還市
民是否來得更重要?今天在英國人的眼中睇，它的殖民地政策實在成功，贏
錢兼贏人心。」

而我最欣賞係呢位網主發起嘅運動

保育絕痾人士

由此刻開始!!!!
全港九新界離島!!!!!
不能再拆卸任何建築物!!!!!!
請支持保育絕痾72小時行動!!!!!!!!

對!!!  保肉兄弟!!!! 
是絕痾72小時,   可以大吃大喝,  但要3天內絕痾!!!  
可以痾尿,   但不可以痾屎!!!!
為了香港可以永久不變,  請支持!!!!!

利害利害…

先上圖，今晚再加後感啦~~

第一界金龍獎的作者之中，除了多年來一直追看的姚非拉之外，
寂地可以說是最讓我驚起的作者啦！
「我的路」第1,2期除左畫面之外，
最欣賞她那種隱隱地令人心痛的故事…

廉價國產參考書當然不可或缺啦~~

總要支持一下香港作家，我選擇了她，
不是Michelle Ko或陶傑
當然是畫插圖的川頁啦~~

一本有趣的作品集，有漫畫有插畫有塗鴉古文字，
有外國人（法國）又有日本人…

一直好鍾意Norman Rockwell的作品，
想不到大大本畫集只要百三蚊
「兢成」好野~~

一樣在「兢成」執到的平書~~~

雖然呢樣巳經唔係新聞，日本外務省舉辦的第一届國際漫畫獎，在全
球26個國家149個作品裡面，由香港人李志清老師的「孫子兵法」同
KAI老師的「十五二十」奪得其中的大賞同獎勵賞（總共４個獎項，
其它由馬來西亞Benny Wong Thong Ho作品「Le. Gardenie」同澳
洲的Madeleine Rosca作品「Hollow Fields」所得）！雖然大多報
導都是「漫畫家李志清和另一個香港女作家奪得…」，令身為 KAI
老師粉絲的我非常不滿！但從電現新聞內能夠見到KAI 老師的確令
人感動！ 

但這引伸出一個問題，在國際得獎的大作，在香港裡面又得到一個怎
樣的結果呢？ 

現時，本土漫畫市埸只分為２塊，「薄装打書」同「塗鴉式文字書」
，前者是小市民的每週一爽，後者是政府和文化人提倡的漫畫藝術，
本土漫畫精裝本（日式港漫）呢？除了少數較為特別(例如劉雲傑的
「FREE 100」)之外，幾乎全部都只是為了令出版社賠錢而出版的

 

 香港漫畫的市場容不下精裝本，日式港漫本在市場裡面一直都是「
票房毒藥」，就連呼聲高企的鄭健和，自立門戶後嘔心瀝血的漫畫精
裝本「火龍」都因為銷量不滯而停刊，之後，我可以說再無漫畫公司
有為本土漫畫精裝本投資的傾向！（不過最近又聞說某漫畫公司將會
在漫畫節推出一個本土漫畫雜誌，有劉雲傑同梁偉豪等，而樂文又好
似比「Ｂ旺」呃多次，好有機會見番「冬日」作品啦…）

 

 諷刺的是得到國際認同的就是日式港漫！

呀KAI老師好野！

日本外務省第一回國際漫畫賞
http://www.mofa.go.jp/mofaj/press/release/h19/6/1174259_806.html

在網上常看到有關香港動漫為何不能夠發展的討論
最常看到的不外乎
香港動漫不濟呀怎樣的
香港政府又拒絕支持呀云云
之前在討論區有見到為何日本動漫何以繁榮的主題
內容都是一樣
日本動漫好看呀怎樣的
日本政府又大力支持呀云云….

於是我回應:
「只可以講
如果香港動漫迷
可以好似日本幾十萬宅人咁
每個月最少洗幾萬円買動漫產品
（個人認為除左喜歡ACG之外仲要可以為ACG付出，
每月最小千多港元果Ｄ先可以專稱「御宅族」）
我相信香港動漫可以飛得仲快！」

有網友回覆
「香港人就算啦
呢度有買正版dvd既 (台灣都計啦….)可能一成都冇….
鍾意同肯付出係2回事….」

為什麼喜歡一種東西不能夠為佢付出呢？

我認為因為香港（包括中國）的青少年
普遍存在一種不願意付出的價值觀
(下次再寫)

 最近網上又有新漫畫接龍「神！我能愛他嗎？」！
非常不錯！有時間去看一下吧
http://www.gaforum.org/showthread.php?t=159967

尋日睇報紙，難得見到有關漫畫業界嘅新聞，仲要係財經
版

.

「玉皇朝動畫闖神州，衍生商品蓄勢待發」

.

原來係有關好幾年前漫畫節高調宣傳，最終音訊全無的動
畫「神兵小將」

.

據報道伙拍中央電視臺合拍，全52集制作巳完成，正等待
國家審批，之後會安排在央視播放，目標對象是15歲以下
來自大城巿及沿岸城巿約4500萬年輕人，總投資額共3120
萬，每集投資額約60萬，料一年回本，衍生商品年收逾２
億，另外，玉皇朝和央視負責前期（人物造型、故事、美
術設計）同後期（剪接、配音）等制作，至於中期作畫由
鴻鷹集團加工！

 

唔…據之前「經驗所得」，漫畫公司掉出黎嘅數最小報大４
倍，所以數字不能作實，但對於每年２億商品價值，未免
對回報太樂觀（如果計埋老番可能有嫁），不過可以咁講
，呢個可以講係香港各大漫畫公司嘅最後希望，香港漫畫
巿場不斷委縮己經係鐵一般嘅事實（前一輪文傳股價仲大
跌四成），雖然仍然未有公司在發展大陸市場成功過，失
敗嘅反而多，但大家都對神州充滿憧憬，我地可以等睇戲
，睇下搞到咁大又得唔得啦！

「神兵小將」網址:http://www.shenbingkids.com/gb2312/