永遠之夏

(9403.jpg )

呢輪睇左好多有關漫畫嘅討論同書，見到有個有趣嘅論點，只有日本
動漫畫可以全球化的原因係–

因為日本有OTAKU！

唔…OTAKU唔係就係自閉響二次元世界，擁有奇怪的語言同笑聲(親身
經歴-響日本見識過，只要馮笑聲就可以知道佢係唔係OTAKU)，一係好
肥一係好瘦同大近視眼鏡果Ｄ！(點解我咁清楚？因為我都係OTAKU…)
據解譯原來OTAKU都有好多種，上面所提只是其中一款稱為繭居型迷，
事實上OTAKU是一種能從動漫畫處得到感動，能對動漫畫傾注熱情，會
自動收集有關動漫情報繼而互相分享，仲係強力嘅消費者同製作人(好以
自稱OTAKU KING的岡田斗司夫就和朋友開創動畫公司GAINAX)

有好多動漫畫嘅大人物原本都係由OTAKU變成，OTAKU嘅集合同對作
品的討論甚致能補完作品本身嘅不足，進而推高動漫畫嘅層次！真係唔
講唔知！

睇返香港而家漫畫的慘況，如果繼續咁樣走落去嘅話，好相信不出五年
我可以親眼睇住香港漫畫嘅死！係咪真係無辦法，可唔可以救下香港漫
畫，其實香港唔係無OTAKU，同人誌界大家唔係都喜歡漫畫嘛！但CW
大大話話都搞左咁多年，但係「成熟」嘅又有幾多，我覺得如果同人組
織可以試下用合作形式，公仔畫得唔靚唔緊要，可以幫下手做助理，又
可以諗故事，大家發揮所長，做出質素好嘅作品，長此以往落去，香港
嘅漫畫相信仲有一線生機…

唉！今晚都唔知乜事，講埋Ｄ奇怪野….瞓吧啦，瞓吧啦…

前排發現廠部printer「神」左！點整都整唔好，而呢個星期最緊要嘅工作係張各主筆嘅稿件集結print out，然後搵出版社合作，所以printer有事真係好大獲，於是星期四晨早六點幾搵堅少救命，借左部printer返黎，點知一返到廠自己部printer突然又好番！真係比佢吹漲….

printer無事就諗住順利print out，然後上出版社啦！點知又突然病起上黎！之前二日巳經有D頭痛我都無理到，星期四果日下午突然頭同喉嚨劇痛，但又唔停得，食左Ｄ藥瞓一覺以為好Ｄ繼續做啦，到六點幾整好咭片之後發覺自己失左聲！勁辛苦！唯有星期五至傾啦，繼續執稿至深夜…

今朝一覺醒來個頭無咁痛，但仍然講唔到野！救命！
———————————————————————————-

熊人老師本書終於出左街，雖然熊人老師自己叫人無閑錢千其唔好支持，但我看過之後覺得好睇喎(除左後面另一位人兄嘅稿同四格有Ｄ問題之外)！諗起一齊畫漫畫咁多年突然有Ｄ感觸，尤其萬天星火趕稿嘅時候零晨五點幾互打電問「進度點呀！」「死啦~」嘅時候，唔知點解呢刻嘅熊人老師突然間有種陌生嘅感覺….

最近有一個朋友亦都睇左電車男，然後，響一次訂機票o既時候，佢鍾意左一個旅行社o既櫃台小姐，於是，佢就學故事主角咁搵人比意見啦～

當然啦，電車男主角響網上好多人支持佢，而我朋友呢，就只係搵左我，於是呢，一星期幾個晚上，就比佢捉左出黎傾計啦！

但係，好似我地呢Ｄ毒男同盟，鐘意一個人既時候通常都有種好嚴重既自卑心態，自己又唔係靚仔，又窮，點襯得起對方呢！有時諗下諗下仲會激動到喊起上黎添，你諗下，二個年過三十既麻甩佬半夜三更響公園度喊喎！個果情境係幾咁核突同可怕呢！

然後，前二晚佢同我講，佢第二日係最後一次去旅行社出機票，跟住就無耤口再去搵個女仔，於是我就提意「寫信」啦！如是者第二日佢寫左成朝信，而我做監修，信內容大約係講多謝佢（指女仔）幫左佢好多（我朋友每次去旅行社都煩佢最小半個鍾），然後係可唔可以做個朋支呢？再留低e-mail同電話，張封信連同旅行手信一齊交左比個女仔，跟住就聽天尤命！

同佢等電話等到夜晚黑都係亳無音訊，我安慰左佢幾句，零晨二點幾就各自返屋企，返到屋企完個涼正想瞓之際，突然收到朋友o既短訊…

佢收到個女仔o既e-mail呀～內容大約講本來想打電話比你（我朋友），怕太夜，於是send e-mail比你，如果你有時間不如打電話比我…

然後就留左低左個電話！嘩！我終於明白當電車男成功左之後Ｄ網友o既喜悅！真係好鄧佢開心！

但之後又諗，點解呢！自己o既方法成功！但自己仍然係毒男呢！
呀～以後邊個陪我夜嗎嗎響公園喊呀！

之前幫樂文做嘅彩稿變左宣傳海報，第一次自己有份做嘅稿見街呀!

前幾日有幸比熊人老師徽召做救火隊，於是在樂文做左三日阿旺的助理，等一次用mac機做稿，其賣同PC都無乜分別(一樣會HAND機)，響臨完成之前(星期一晚，只欠幾版)，突然出事！見到幾個助理大為緊張，原來出菲林之後撞網，後來聽講助理們嘅景大部份網要重新做過（好彩我同熊人老師只負責做人)，希望佢地趕得切出書啦！

開始睇哈利波特最新一期-混血王子的背叛，究竟JK羅琳寫完「哈利」仲會唔會寫野呢？
同時開始睇電車男TV版，睇左四集，好睇呀！

原本今日秋祭，預定想寫下秋祭的情況，但…對於cosplay沒什興趣的我
來講，秋祭著實無什麼好看，以前還會找朋友聊天，但今次第一天就去
，朋友們都很忙哩！於是和堅少行了沒半小時就離開了，因為比自己預
期還早，有時間就走旺角一趟（好久沒去旺角啦），在宇宙船隨便看看
雜誌時竟發現驚人情報！

全PS2最好的戰棋遊戲「魔界戰記」(不是機戰!!)竟然推出第二集！太驚
人的消息，想當年廢寢忘餐、日以繼夜的惡夢生活即將又回來啦….

已經過了好幾天，心情總算是平復了一點，想不到有年多沒見，「她」仍和以前一樣，一樣的漂亮，一樣的清秀，一樣的搖動我的心，我一直以為自己已經看淡了啦，想不到再見時才發覺自己無變，一樣的貧窮，一樣無語，一樣的喜歡她，唯一改變的只有自己人老了，頭髮少了，和她的合照，只看得出自己是多麼的配不起人家，我真的不想讓她看到現在的我，一無事處的我，看電車男第二期，突然覺得主角和自己的處境相約，只是我遲了三年，想著想著，眼淚就滴下來了….

終於都買齊四本電車男的漫畫，之前覺得同一部小說能夠同時推出四本漫畫實在很少有呀！反轉過來想，這也許有参考的價值，不，應該說非常有才對，究竟，大家會用怎麽的表達方式表現電車和愛瑪仕的形像和感覺呢，就是如何有趣地去表達「網上流言」的形式，巳經很考工夫了啦，全部看完之後，個人覺得渡邊航（左２）那本最有趣，亦應該是改得最多的一本吧！原秀則那本是最後才買到的，原本充滿期待（我可是原秀則迷呀！從「冬物語」開始巳經一直喜歡他的作品），結果出來也很不錯，我相信是以最接近原註漫畫化來說是最好的一套，但渡邊航的那套因為加了好多有趣原素，更加強調了個色的性格和配角的互動，在渡邊的版本中，就常有配角在現實生活中遇到主角的情節（雖然都是認不出來），但這樣子令故事有生氣得多！亦是其它版本無的（所以我相信原註是無的）！老實說我大跌眼鏡了呀！渡邊航的「變裝Q妹」是一本令我看不下去的漫畫呀！之前一直認為他的電車男漫畫會最差，怎料剛相反（最差的個人認為是道家大輔那本，畫面可怕得令人看不下去…不會買了吧，第二期！）！所以如果有興趣大家一定要買渡邊版的電車看呀！