永遠之夏

估唔到到年初六先做好張賀年圖，無辦法，新年果幾日太忙(打機)..
總之都祝大家新年快樂漫事勝意啦～

年初三陳老闆返黎香港，帶左響網上DOWNLOAD雲海呢幾年所有電
台節目，一邊趕稿一邊聽，大伙兒竟然越做越精神，唔通又係外星人
嘅陰謀！

最近追開二套漫畫完左，伊手高中同王牌至尊，二套都係精彩作品
而且完得合情合理，突然覺得故事都係有頭有尾好…..

cw参加確定

星期日公司第一次做團年，因為無經驗嘅關係，所以無訂到酒樓，到
想訂嘅時候，先發覺全九龍灣嘅酒樓全滿！仲要幾位老師陪我走左一
輪九龍灣，最後只係食左一餐日本料理….orz

上星期尾同熊人老師、大師、療天同佢幾個朋友出黎食飯，本來想打
邊爐，響尖東搵左幾間大O樂都搵唔到（執哂？）最尾靠大師搵到間
特別的印度料理，好耐都無同同人界嘅朋友食飯吹水，突然間懷念起
每逢過年同牧童兄仲有一大班朋友嘅飯局，唔知今年仲有無呢….

去左今年理工藝噓，其實呢段時間大家都忙CW，只見到一二個朋友
，亦無乜特別作品，如果下年佢仍然係CW之前搞，我諗可以唔洗去
啦！

「故事」本身是以人為本，在創作故事先前最重要的東西就是「人」
本身的描寫，有了自己個人的描寫，再去發展故事的支，所以描寫人
的技巧高低，就成了故事高低的分野.

看畢村上春樹的「地下鐵事件簿」，有這樣的一個想法.

村上舂樹以這一層的角度和觀點從新去觀看這一件事，所看得出來的
並非一般的所謂大事件去說，出發點不在「大事件」本身，而是每個
人的生活、人生，只是這些每個人都有經歴過這「大事件」，「大事
件」成為了這些人生活的一部份，以這種方式角度去看，能夠看到事
件對於人們生活的影響，那是比「事件」本身更重要的事，有時候想
，其實香港也有發生這種災難性的大事，傳媒所有的報道也總是以「
事件」本身為出發點去看，最終只會變成經歷一段時間之後就會被人
們遺忘的「話題」罷了，這種觀點完全不能從事件中吸取教訓，也不
能得著什麼，只能解釋事件本身「怎樣發生」「過程如何」和「怎樣
完結」罷，一般大眾傳媒所懂得做的也只有「喧染」吧！要是香港也
有人能從那種角度重看整件事的話就好了！大家都只是把責任推給府
政，自己只是受害者的這種想法，有點可悲呀～

平安夜果晚約左一大班獨男，舉行每年例行「反聖誕聚餐」，今年仲
多左幾個新人（舊人亦無少到），諗住食Ｄ新嘢啦！搵下搵下最後都
係去番上年果間，席間仲有人話下年再黎食過！…我巳經經歴左三＋
個獨身嘅平安聖，希望下年唔洗食呢餐啦….

今日去左gameshow今年個場細左好多，一大半参展商同game無任何關
係(竟然有幾間係叫人申請信用咭！認真吹漲！)真係無野好行，買完
火狗新game，同幾個参展商朋友吹一陣水就走左，下年都唔知仲去唔
去好….

漂亮的街燈，熱情的巿民，美酒配上大餐，禮物換來歡笑，多麽美妙
的聖誕節呀，卻欠了我愛的人….

祝各位聖誕快樂呀~~~

唔….其實好多野發生左，好多野想寫，但又諗唔到寫乜好…..

呢二個禮拜生活實在極唔健康，上個星期幫熊人老師手趕稿，所以通
左二晚頂（星期一同星期三晚），之後就要趕進度嚴重落後的雜誌稿
件（當然進度嚴重落後的主要原因係自己啦..），於是就開始通一晚頂
，瞓一晚再通一晚頂，瞓一晚嘅生活，實際就係大約做四十小時，瞓
幾小時，再做四十小時，瞓幾小時…如是者一直到左今日，響做網站
果時突然發現自己個腦空如也，我突諗唔到點樣做好個網頁，明明前
晚通頂之後做好左張插畫，諗住有成二日時間好夠啦，點知今日成個
下午對住部電腦發呆，乜都諗唔到，直到而家（又通左頂），都仲未
做好，但網頁今日就要開啦！點算！救～救命呀…..

買左新一期高達！精彩呀～估唔到「馬莎」係咁樣黎！

雖然遲左小小，但總算睇完星里望留的「月光公寓」，這次的故事沒
有什麼感覺，也完得比較急，感情的流動比「蛋包飯」還簡單，最近
星里望留老師的故事有點失色啦，卻聽說到「月光公寓」會拍成電影
的消息，為什麽呢？明明拍「無殼蝸牛」或者「幸福的預感」甚至「
真心愛著你」都應該比較好看的說…..

終於睇完熊人老師強烈推介的「童夢奇緣」，故事也很不錯，個人認
為沒有強加一個大團圓結局是她比起其它作品優勝的地方，眼淚也流
出來（個人比較眼淺的關係，而且對於父子親情的情節沒有免疫能力
）希望香港電影繼續加油呀～

好朋友最終無事放出來了，真要謝天謝地啦！第一次要為朋友保管一
個全世界都不能知道的秘密，在這兩個星期裏面，為他說過無數的大
話，但細心再想，發生這件事情對佢自己和身邊的人其實都是一件好
的事，總之，希望之後會是一個好的開始吧！