休魚期完結，要諗o既第二期同以後o既方向亦
有定案，好又要開始戰鬥啦！
尋日為左宣傳本書走左去旺角的書屋派宣傳海
報，開頭戰戰兢兢，又等到間書屋無人至敢走
埋去細細聲問：「可唔可以借個地方做宣傳…」
「唔得喎！」「呀……….orz」比人拒絕左２次之
後我明白左Ｄ野，就係先比左張海報佢先，然
後再問，佢就會問：「你地邊間發行？」「我
地係同德做發行！」「呀～係係我一陣幫你貼
出黎呀～」態度轉變180度，大發行個朵真係響
，好彩之前無聽人講轉發行咋！
轉眼間派左十幾間，開始諗到個問題，其實，
第一期係唔發書屋嫁，所以當去到一Ｄ熱情o既
書屋..「咦！本書幾靚！係咪同德發！（我未講
佢巳經知）幾時發街呀！」「四月＋八」「呀～
點解張海報唔印大張Ｄ呀，你地係出版社…….」
突然個心就好痛「唔係呀！其實Ｄ書只係發報
灘，係唔會發書屋嫁！我只係利用你地黎做宣
傳咋！」呢句話說不停咁響心裏面納喊！望住
書屋果２位店員興高采烈傾談我地本書o既笑臉
「呀～麻煩晒你地！」我唯走轉身就走….
呢版幾日後就要發全香港…
從小時候隨處塗鴉，小三畫第一篇漫畫，中五
會考唔讀書参加漫畫比賽，二十歲出第一本同
人誌，到呢一刻親手拿著自己製作的雜誌，有
種再向前走一步的感覺……
前幾日一個人走左去淘大間大快活食飯，一邊
諗緊第二期雜誌點搞，一邊食菜，食左幾啖，
突然，比一條將送入口的菜吸引住，正確黎講
係菜後面的「異物」…
睇清楚Ｄ，原來係一條蚯蚓！有手指尾咁長，
而且巳經煮熟，仲好以幾香添，於是我放佢埋
一邊繼續食飯啦，邊食邊望住條野，有種奇怪
的感覺「唔知佢好唔好食嫁呢…」，好有一試
的衝動…
為免自己做蠢事，都係將佢比返Ｄ大快活員工
，個員工仲話呢條只係–菜虫？最尾換左碟菜
同送左杯凍飲比我，真幸運～
如無意外呢個會係銀河少年嘅封面
至於LOGO呢一刻實在無時間同精神改啦…..
沒有工作的日子差唔多一年，雖然現在係編輯，
但係係無人工o既，之前工作所留低的錢，因為
幫弟還債，因為借左比朋友、去旅行、開公司等
去到上個月巳經由原本十幾萬洗剩幾千，原本仲
諗住可以洗多三個月，上月尾頭又傳來鄉下呀爺
病倒的消息，開頭話肝癌、後尾係肝硬化，總之
係個肝再唔用得，同十年前老豆死o既病係一模
一樣，上到惠州醫院，醫生話未交錢唔醫，又比
左D錢，入院幾個星期，平均每日五佰蚊，好彩
最後好似無乜事出院（但要長期食藥），但醫院
張單就萬幾蚊，同幾個親友夾錢，又拿左五千出
黎，今日一CHECK銀行，原來巳經無晒錢啦！哈
哈哈……….
為左錢，去社區中心教細路
漫畫的海報….
總結今星期真係發生左好多事…
由星期一廠部電腦和屋企電腦連同硬碟同時報廢開始，
足足花左一日時間在電腦上面…
送去雜誌社的介紹稿因為家沒電腦而要借朋友屋企send
E-mail，隔日因為對方收唔到而要再借另一個朋友屋企再
send，最終send左三次至收到（麻煩晒骨哥同堅少）
硬碟壞左，令到整過預備更新的網站資救和幾套稿件消
失左（無backup的報應），心情異常氣餒…
不過好彩，都遇到唔少開心的事
星期四晚同幾個新朋友去k，其中一位係日本人的關係，
全程由食飯到唱k都要講日文，就算去日本旅行o既時候
都無講咁多日文，不過都算ok講到，仲比人贊日文好添
，好耐無試過唱k咁開心，希望下次再有機會再去啦～
星期六去火狗工房做訪問，其實非常之緊張，話晒叫第
一次做訪問（訪問人），之前做左好多功課之餘，為壯
膽塭埋熊人老師同棋哥一齊去，訪問足做左２個幾鐘，
整個過程非常順利！聽到好夠獨特的見解同寶貴的意見
真係要多謝聲狗爺，寶大師，NYX同伊死～
但仍然有好多要做O既事尚末完成！
呢個星期都要繼續…殺呀!!!!!!!
經過足一個月的努力，辛辛苦遊盡上千層的道具界，
魔界戰記２的進度，終於去到神秘的修羅之國!!!!!
睇左好多日本網上攻略，能夠去到的仍然小之又小…
唔知香港我會唔會係第一個呢？
又睇見香港某GAME書編輯都只係打爆左一周目，
LV.70左右就算完成了…
我隊人LV去到最高LV.6000啦，真係６千！
但係都偷唔到件超合金ロボス–シ….
打足十六隊界賊團，儲齊十六張寶藏地圖，
原本條村突然多左隻船….
終於去到修羅之國，仲有上集有份的地球勇者
「加哲斯」!!!!!!
不過好「肉腳」…..
修羅道具界果然名不虛傳！可拍！
我夢寐以求的超合金ロボス–シ呀!!!!
(0)