永遠之夏

男孩Ａ是一個好鍾意睇特攝、戰隊、卡通的otaku（動漫狂熱份子）
對於拯救世界等話題非常熱中的熱血漢，好想成為英雄，遊歷整遍
宇宙，幫助有需要幫助的人，但現實家長老師一直叫佢唔好再發夢
啦，而其它同學只係當佢係搞笑嘅題材，只有佢身邊的一個由細玩
到大的朋友一直支持佢

二個人成日放學周圍去，揾惡黨的總部，外星人基地，地獄黎嘅惡
魔，成日想幫人，但總事與願違，最後幫人總變害人
然後兩個人都會走到山上面一處秘密基地，男孩Ａ每一次都會向住
夕陽講同一句話
「我地係呢個世界最後的英雄！如果連我地都唔支特正義！呢個世
界就無得救嫁啦！」
朋友總係坐在一邊諗自己野

有一日，有一個女轉校生轉左入黎，坐左響男孩Ａ側邊，美麗外表
吸引了男孩Ａ的注意，女轉校生很小和男孩Ａ或任何人溝通，但男
孩Ａ卻常常在唔同的場合遇上她，無論是放學等巴士，經過的公園
，或是晚上到便利店，每當男孩Ａ想上前打招呼，女轉校生總會轉
身走開，不發一語

有一日在放學時間，男孩Ａ塭朋友想討論一下之後去邊度「維持正
義」，意外地響後樓梯偷聽到朋友和另一個女子說話
「我地一齊左一個星期啦！你一日都無陪過我呀～」女子
「我都好想同你一齊，但我唔可以丟低男孩Ａ唔理嘛」朋友
「你唔係真係信乜野英雄，乜野拯救世界丫麻～」女子
「我當然唔信啦，你以為我係三歲細路哥咩，不過佢同我由細玩到
大…」朋友
聽到呢度，男孩Ａ突然間諗兩個人由細玩到大的種種
「我地要拯救世界！」「無錯！」

男孩Ａ轉身就走，「哎吔！」卻撞到準備離開嘅女轉校生，
從她書包，掉出左幾本特攝同英雄動畫雜誌，
「咦！」男孩Ａ執起其中一本自己都有買嘅雜誌「原來你都鍾意…」
突然「咱！」一聲，由女轉校生一巴打落男孩Ａ的臉上發出
女生角滿臉通紅大叫「我最討厭你呢Ｄ所謂正義英雄！最討厭呀！」
轉身就走，留低一臉錯的男主角

在黄昏的山邊秘密基地，男主角孤單一人望住夕陽
「我係呢個世界最後的英雄！如果連我都唔支特正義！呢個世界就無
得救嫁啦！」…（待續）

終於看畢柯爾的「物理與頭腦相遇的地方」，在科普讀物來說，相比
起之前讀過溫伯格的「最終理論」和施莫林的「量子重力」，她不算
有很精彩的自我主見或是驚天動地的科學發現，卻每每能把一些難以
理解的物理概念具體化

本書分幾個大主題，詳盡說明「互補原理」「力和贗力」「量子躍遷」
「絕對性相對論」「波」「共振」「粒子對稱性」「有序和無序」與
「因與果」等等，在其它科普書籍中如向解說也有點不明所以的東西
，經過柯爾舉出很多現實生活的例子和理論發展經過的來龍去脈，令
人有了深刻的了解

例如「熵」的理論，之前我就是怎樣也弄不清楚，所以對於熱力學第
二定律「自然過程的趨向是走向更大的無序狀態」不明所以，這一刻
我也有概念了！

值得一提的是書末提出一個令人反思的問題，
「嚴格的因果律及絕對的隨機都有各自的位置﹔一把它們放在一起，
就會產生矛盾，就如波和粒子之間的矛盾一樣。事實上，如果你硬要
把這兩種論點以邏輯串聯，得到的結論並沒有意義。因為你如果說事
出必有因，那就是一切天注定的結論。另一方面，如果你說事出不必
有因，那你只好斷言，每一件事物都是隨機的
如果事出必有因，那麼我們就是鍾錶機械中的齒輪，如果事出不必有
因，那麼我們僅是一堆骰子而巳。
表面上來看，因果律和隨機性似乎是互斥的，可是仔細研究一下，你
可以把它們看成更大的事實中的互補面向。」
究竟這個世界是上天注定，或所有東西都是隨機發生，這兩種東西可
能只是同一種東西的兩面睇法而矣（和施莫林所提出的因果宇宙概念
有點一脈相乘之感）！

有趣的是在丘宏義教授的導讀裡面開宗明義說明二十世紀初丹麥物理
學家波耳所提出，震撼物理學界的「互補原理」（為量子力學的基礎
之一，也是這本註作花上很多篇幅闡明的主題，說明光能夠以粒子（
物質）或波（運動）同時存在的概念）公元前６百多年的時候，老子
巳經所提了相似的概念啦！

唔原本唔太想寫「達文西密碼」，因為大家都寫麻！但近來好想自己
寫多Ｄ野，唔可以比自己越來越懶！目標係每日更新！大家睇住黎！

講返部戲，係星期日早場（早到9點鐘…）同一大班銀少作者一齊睇
，自己無睇過小說，唔清楚小說和電影之間的分別（沙田柚老師因
睇過，所以另外有一番見解呀），睇完之後個人覺得幾好，故事的架
構是一般公式的男主角被捲入一件事件，遇到危機，聰明地（有時係
好運）化險為夷，再遇到危機，再聰明地（有時係好運）化險為夷，
再遇到危機，再聰明地（有時係好運）化險為夷….睇左一大段之後
我有種睇緊現在一Ｄ漫畫的感覺，果種只要佢想可以永遠都唔完的感
覺，但公式有公式的好處，最起碼唔會悶，至於所謂解謎亦談唔上，
往往一有謎主角同其它角色就會急不及待講出黎，而且好早就估到個
結局同最終波士，好彩幾位主角都係自己鍾意(雖然無乜特別的精彩演
出，反而「天使」的角色唔錯），所以最後都係用番「幾好」黎形容
呢部戲！

不過成件事出黎比到我明白，「話題性」響現今商業創作上面所占的重
要性有幾大，就算呢本小說寫得幾天花龍鳳，佢始終只係一個「故事」
，之所以全球大賣唔係因為佢寫得有幾好睇，而係佢嘅「話題性」令佢
本身唔止係一本小說，可以講係另一個任天堂理論嘅成功例證！

今日去九龍灣機鋪嘅時候發覺POPN MUSIC個位好多人圍住
嘩！原來部POPN MUSIC 14返左黎！
真係勁！日本都係5月17號出街！估唔到唔洗幾日香港就有得玩！
同之前新返一樣，新歌都係得普通同HYPER，所以新歌最高LV36（過左）(HYPER)
如果要打EX同隱藏歌要三首歌過125分入EXTRA關至有，
同先前唔同係一開始就巳經有6倍速！（正～）
玩左三局，玩左二首EX隱藏歌(LV37)
新歌一般同13差唔多，特別係有首孖寶兄弟好得意！
天日再努力呀～

今日是文革四十年，好多報紙都有文章提及，80年代初中央政府巳經
徹底否定文革，對於文革的好壞我想也再沒有去解釋和爭論的必要吧
！那是只為反右而出現的鬧劇，還是極端無階級主義的伊甸園，老實
說自已也並非全面了解，也只是人云亦云而已

但之前有看過黃憶安的自傳，有說過自己在文革時期的種種經歴，並
非和其它人那種高呼冤屈，被誤扣上反革命分子的悲劇，當年的王憶
安只是一個普通人，是那時代的「知青」，那年到一個指定年紀就要
上岡，離鄉別井到黨交給你做事的地方，和當地政府報到後，政府就
照顧你的起居飯食，你無需要苦惱沒錢買房子，也不用擔心吃飯的問
題，衣食住行黨都會給你，當安頓好後就要到處到「單位」找工作，
先要看見已有什麼技能，也有很多不需要技能的「單位」，當年王憶
安找了很久很久，試了幾個單位，最後入了一個劇團做音樂（好像是
吹笛），有時會在因為獨自一人想起上海的媽媽而寂莫流淚，有時又
會為找不到合適的單位而坐立不安，就大體而言，和現在一些情况也
相似，每朝大家見面還是說聲「早晨」，和同伴炒咀，肚子餓吃飯，
之後拉屎，無論海面上如何波濤洶湧，最下面的還是寂默平流，可以
這樣說，老百姓在任何情况還是活在當下吧，唔，突然間很想到圖書
館看相關的書籍，有關在大時代老百姓的故事…

前兩日下午在九龍灣機舖打機（已經習慣左每日下晝打二誧POP`N
MUSIC，今日比我過到首LV40嘅歌啦~~~）時收到熊人老師來電
，因為機舖太嘈嘅關係要到之後回電話至聽到呢個驚人嘅消息彭哥
嘅「密殺戰群」終於重出生天啦！

記得好耐之前（大約02年）一次漫天星火的會議上面，果時有個好
怕羞的男生帶左一Ｄ稿上稿，一睇之下震撼左當時所有的漫星作家
，佢就係彭哥，之後出的「密殺戰群」時候，大家予想他將會繼陳
某之後另一紅遍中港台的香港漫畫家！可惜，聽聞當時他與東立的
編輯部合作唔太順利，之後仲受傷云云，一直去到今日，終於再可
以見到佢嘅連載啦，好期待漫畫節「密殺戰群2」呀—–！

自從雜誌發行，開始聽到自己及各方好友的意見同批評之後，心裡面
明白卻久久不能釋懷…

知道這樣子做下去並非解決問題的方法，要再多想想，目前可以做的，
應該做的，和能夠做的是什麽，怎樣做

想了又想，終於想到一些點子，但要向大伙兒說出來有點難度，所以一
直藏在心底裡面，希望先同二位老細傾一傾才將之公告

但將話收在心底總不是味兒，近來自己越來越情緒化，或多或少同自己
將很多東西藏在心底裡面有關…

於是今日開會時就乘勢將心裏面的話講出黎！
始終，這樣子才可以向前踏一步….