永遠之夏

本來今日諗住寫下尋日響旺角買嘅新書，直到聽到903新聞，我改變
左呢個決定…

可能咁講會得罪好多人，但我實在睇唔過眼！對於森美小儀响「架勢
堂」上面搞「最想非禮女藝人選舉」，雖然係有Ｄ不文，但大家都知
呢個係「玩笑」黎啦！而且本人亦道左歉，點解仍然唔放過佢地呢？

香港一直就有一班「衛道之仕」，呢班人一般黎講都係一Ｄ高學歷嘅
專業人事，睇所有野只有二元–對與錯，佢地完全沒中間灰色地帶，
唔係啱嘅事就係做錯，而且大加批判，漫畫只有打鬥係錯！學生去玩
唔讀書係錯，食煙係錯，打機係錯，拍拖係錯，佢地唔知道孩子點解
會打交，唔知道人點解會做壞事，佢地只係只道呢Ｄ事係「錯」，於
是打駡，於是批判，還振振有詞，好似佢捍衛左整個香港嘅社會道德
咁！

尋日睇電親有個港台節目就呢件事大做文章，女主持大聲疾呼狠批，
一時又侮辱香港女性，一時又股吹性犯罪，新聞話今日又有幾十單投
訴，加埋有百多宗，我覺得奇怪，明明係幾日前嘅事，如果你當時有
聽，覺得個節目侮辱左你，點解唔果一二日投訴？要到今日先黎投訴
？會唔會係之後人地講下講你覺得原來係侮辱至去投訴（聽緊果時又
唔覺），定係甚至其實你無聽過，只係人地話侮辱，你又去投訴呢？

點都好，而家「架勢堂」都要停二個月，二個主持唔可以再接外來工
作，從呢件事，都睇得出香港幾咁有言論自由同幾咁有道德啦！

幾日前開始手寫版失靈！害我只能做一個cd-rom（係吳教授個版學
番黎，只可以睇嘅意思）！而家搶左廠支筆黎用，一天都光晒

呢幾日都有好幾件大事，本來一直諗住六四寫Ｄ野，因為我一直有一
個同主流意見唔同嘅睇法，但過左唯有下年再寫啦（笑）另一件大事
就係友好樂園生活網誌出左VOL3，各位未DWNLOAD嘅快Ｄ支持啦
～（我有連結）

上星期六老細終於番落黎，因為自從出書（4月18日）之後佢一直番
唔到黎，有好多野諗左但唔敢行，不約而同地果日熊人老師同閒人都
有上廠，「窮人五子」相隔左好耐無聚首一堂，就為之前所做同將來
嘅路開左個特別會議，一傾就傾左好幾個鍾頭，傾到零晨二點幾至傾
完，唔，終於達成左好多解決問題嘅方向同共識，星期日同各老師開
嘅會亦可以有所交代，可以講，終於可以進入另一個階段，各位同志
要努力呀~~~~~

近來用邪道DOWNLOAD左好多GBA嘅GAME，隻「莎魔拉–開始之
石」好唔錯！
Ｄ公仔好萌呀～

今日好緊張，因為又要去訪問人，而且今次呢個人物係港漫界可以叫
得做「大熱」主筆

佢就係前海洋「武神鳳皇」主筆–鄭健和（和仔）

和仔之前離開左「海洋」之後，自己開左間漫畫公司，呢個月15號佢
新作品「火龍」就出街！而且今次唔再係港式打鬥薄裝本！而係日式
黑白精裝本，仲係科幻靈異故事～
今日係銅鑼灣一間上樓潮服舖搞左cossover個私人畫展，訪問完和仔
之後，再同潮服舖老闆傾下，佢打算將呢個cossover系列tee到美國
申請專利，原來，漫畫都有好多漫畫以外的商業價值！又學到野！

之前同其它出版社嘅人傾開，如果以「武皇」每期二萬幾嘅「和仔死忠
fans」，就算除半，都好可觀～祝「火龍」可以成功！讓我地見證新一
代港漫的創意同實力！

另外去開銅鑼灣，當然要去時代廣場探下Ｄ舊同事啦～
都成年無見，大家都無乜點變，仲請左我去「潮江春」飲茶～
突然有Ｄ掛住之前嘅工作生活…..

大感謝！大感謝呀～

整個五月嘅點擊數突破一萬擊呀～
雖然相比起好多BLOG，一萬激可能閒閒地一日都做到，但係想唔到以
我嘅龜速更新同無聊日常，可以有咁嘅成績！著實高興～
真係好感激大家～

另祝大家端午節快樂呀～

呢兩日發生左一Ｄ事，令自己覺得自己開始太自以為是（還是一直如
此？）有時縱使自己唔係太認同，其實只要自己忍一忍，退一退，情
況可能唔需要如此…

「將心清空，逆來順受」好好努力做好本份，最後答案可能都係「自
己只能夠做自己能做嘅事」除此之外，無論如向搞盡腦汁，也是徒然
…

儘全力做過，當然希望成功，對得失看得太重顯然唔係好事，諗深一
層，其實無需要如此急進，放輕鬆一點心情，多諗諗未來，未來可唔
係只有一、二年，仲有好多好多嘅時間（十年？幾十年？）要捱呀～

今個星期日朝仍然係以電影做早餐，今次呢餐味道都好唔錯，餐牌係
「變種特攻之二極爭霸」，對於美國黎嘅超人大軍，其實個人唔係咁
鍾意，睇過一Ｄ美版漫畫，除左畫面之外，分鏡方式同劇情都不敢恭
唯，之不過，轉左做電影版又係另一回事，儘管由電影版第一集開始
，角色嘅做型就受到「粉絲」們嘅微言，不過劇情上面嘅重新編排加
上角色嘅性格刻劃，令到美國英雄們脫胎換骨，無論係「蜘蛛俠」還
是呢部「X-MAN」

講番部戲，最初開始所營做出黎果種人同異變人嘅對立關係白熱化（
電影版嘅X-MAN一直係以呢點黎展開故事，比起漫畫版每次都用一個
異世界黎嘅敵人展開，電影版真係有「人性」得多），幾個主要角色
嘅矛盾心情如果有睇過都會明白，亦有話題性得多，就算睇到中間仍
然會為角色的去向同將來所膽心，雖然最後因為要完結而特登推一個
敵人（以佢開頭所發生嘅種種，事件唔可能以「打嬴一場仗」嘅方式
解決晒所有問題），但始終係一個二小時左右電影，令歡衆覺得告一
段落的方式是「勝利」係無可口非，而且特技打鬥確實精彩，有好多
位都有「嘩！洗唔洗呀，咁勁！」嘅感覺，個人亦有特別留意戲院裡
面其它觀眾嘅反應，尤其響完場之後如果有大部份觀衆仍然興奮地討
論戲裡面角色嘅種種（我身邊二個朋友就係如此），你就知呢部戲嘅
成功程度！觀眾嘅反應直接決定創作嘅成功與否，X-MAN係成功嘅例
子～

PS:今次有改進嘅地方，係一完結就有字幕話比你聽謝幕之後有片睇
，唔洗再有走左之後至知原來有預告嘅遺憾，或等左個幾字原來乜都
無得睇嘅怨恨！做得好(GJ)

幾經艱辛，終於睇完宮崎駿嘅出發點，第一個感覺係–點解咁遲先比
我睇到呢？

老實講用乜嘢好看、非看不可等等亦不能完全道出呢本書嘅魅カ，這可
以用「動畫界的聖經」來形容呀！

最值得注意嘅係，書裡有一part專門刊登在電影上眏後，宮崎駿所接
受的訪問，如果大家都有睇過宮崎駿之前的動畫作品，「高立的未來
世界」「風之谷」到「歲月的童話」，再睇到從作者嘅角度解說作品
嘅種種，一定無諗過覺原來宮崎駿在角色的背後所花的心機是如此驚
人，每一個動作，每一個細節，都是一絲不苟，就是因為每個角色也
是如此用心嘅經營，先能做出令所有人感動嘅作品！

除此之外，仲有好多身為日本動畫家嘅生活實錄，亦有一Ｄ令人感動
嘅個人小傳！

買黎睇下啦！真係好野黎嫁！