「食環處逼死小販」這幾天報章的新聞不停報道，有巿民道出食環處
人員見死不救，還振振有詞說出食環處人員如何捉人，如何「睇你游
得幾耐」和過了多久才報警！
言下之意是有巿民看足整個過程但同樣也是見死不救，最後輿論都集
中「食環處有錯」的觀點，大力批評食環處，
個人想法是
1捉無版小販是職責所在，無錯！
2被足的小販逃走（犯法逃走），亦是正常舉動
3如果我是去捉那小販的人員，當去追捕的時候，大力叔一下就跳水，
我當然認為他好水性吧！又怎會想他不懂游水又跳水呢！
針對這件事，個人有個奇怪的建議
政府應該向無牌小販推行「正確投降計劃」
當食環人員殺到埋身，這時只要小販雙手向上做出歡迎姿態
＼( ^__^ )／笑口講句「呀sir早晨~~~」
就被定為正確投降！投降輸一半，罰小一點！
相反如果逃走的話除「非法擺賣」外，要另加「拒捕」「瘋狂架駛」
（如有車的話）「企圖自殺」等等一連串的罪名，以後當小販們被追
捉當然會走，但當自知走不掉就可以做出「正確投降」，造樣一來就
不會容易有「迫虎跳牆」的想法吧！
說笑而矣！別太認真呀～
認識我嘅朋友都知道個人係日本組合Mr.children嘅超級fan屎！
（同我去過Ｋ就知，我會全點mr.children嘅歌…）
總覺得佢地嘅音樂同其它嘅唔同，有種替「為夢想而努力中」嘅
人不停打氣嘅感覺!!!
剛剛至睇過佢地嘅演唱會DVD「DOME TOUR 2005 “I LOVE YOU”」
唸唔到又响網上揾到佢地新作「箒星」！聽左好幾次，好聽呀～
而且MV好正！可以話係繼「くるみ」之後另一個感動MV！
７月５日隻SINGLE箒星初回限定盤…
睇黎又要破財啦…
又到左呢個時候，Ｄ睇開嘅動畫又一套咁完啦～
但我又好唔捨得套帶比我好多歡樂嘅「涼宮春日」同「吉永家的加哥魯」
無左你地，我每星期點過呀～
好彩仲有「櫻蘭高中」同「うたわれるもの」頂住…
因為發生了一些事情，突然又出現了奇怪的想法
或許大家也有想過，假如有一日發現了
我一直做的事情，不是真實的話
我一直在的這個地方不是真實的話
甚至一直喜歡的人不是真實的話
一直以「喜歡」做為力量生存著的我，
那個時候要怎麼辦…
如果是夢的話，請不要讓我醒過來
如果是謊話的話請一直騙我到永遠
（上面二句話究竟在那個作品中聽過呢？）
最近又開始畫公仔，上面兩位是之前想到故事中的角色，原本是為其
它作家而寫的故事，但種種原因，最後被拒絕了orz
故事是從外星來的侵略者（上圖右）是銀河魔王的細女，和萬能型機
器女傭（上圖左）一齊來征服地球（成年的習族是征服一個星球），
最後來到地球發生撞船（宇宙船）意外，被獨居的男主角救了返家，
最終變為征服了男主角家（男主角成為侵略行星的第一個奴隸），最
後比左變身腰帶男主角，令其變身做「嘰嘰」（因為宇宙船被破壞，
無辦法呼叫戰鬥部隊，唯有男主角充當戰鬥員）對付其它外星人和「
銀河刑事」，預定會有巨大機机人出場！敬請期待！
因為接左Ｄ FREELANCE做，忙左幾日，呢幾日都發生左唔少事
首先係終於有機會見到何故先生～我每日都有參觀佢BLOG嘅習慣！
學到好多好多野嫁～
諗唔到有機會可以對談！響果一個鍾頭裡面聽左好多好多建議同商業
漫畫發展嘅方法同方向，感覺真係上左好重要嘅一堂（但係我係一個
笨學生呀～），真係希望下次再有Ｄ咁嘅機會就好啦～（PS何故先生
把聲真係越聽越覺得似雲海！利害～）
呢個星期幾晚都有睇世界杯（去朋友屋企），但發覺睇完尾場之後，每
次都瞓到第二日點幾二點至醒，梳洗上網等搞到返到廠巳經五、六點，
做唔到一陣野又睇過…
嘩！真係幾日乜鬼都做唔到！唔得啦！唔可以再睇啦~~~！
跟住係大LIN突然又走左返黎二日，尋晚又同佢傾左一晚，又有Ｄ新嘅
企劃～
大陸呀爺嘅病情惡化，又入番病院，對於今日巳經乾塘嘅我黎講，担心
嘅唔單止病情，仲有每日五舊嘅醫藥費，真係有「天呀！」嘅感覺，好
彩，呢個世界仲有「朋友」…
所以，呢二個星期真係要塭份工啦，唔知大家有乜好介紹呢？
之前響網上面揾到嘅日本漫畫家大集合呀～睇真Ｄ，呀鳥山明同香港
漫畫巨人「王生」有Ｄ似，唔通…
其實自己細細個就開始踢波，我相信年紀同我相約嘅人都一樣，原因
都係「足球小將」，呢套作品响我小學嘅時播插放，我記得最高潮係
小五時播放中學篇，因為果時興類似萬變咭嘅東東（開頭係未係咭，
而係係一Ｄ貼圖冊，好似有世界杯，恐龍，動畫等，唔係好記得啦）
果時就有Ｄ「足小」咭流傳
我住果層幾乎每家每户都有細路（就同年巳經有五個），一條巷十幾
個細路走出黎只有二件事，唔係走去人地屋企門口睇人打任天堂（果
時Ｄ細路好識做，唔係張電視放近門囗就係對正門口，總之就算一大
班人企响門口都睇到啦），就係「踢波」
果時每個月都有「三樓世界杯」（我住三樓），首先每人夾幾毫子，
然後買個「西瓜波」，我記得果時分左四隊，每隊三、四個人，當二
隊比實嘅時候，另外二隊就做觀眾同搵一個人做「評述員」，當時大
家都有扮演嘅「足小」角色（以我就係早田誠，仲自創「我流剃刀射
球」！真係得嫁！），評述員要以我地嘅角色去評述「嘩！小志強帶
住一直帶住個波，早田使出剃刀剷波，哎吔！剷唔中呀—–!!!!!」
，到射球嘅時候球員仲要大叫絕招名「猛虎射球——–!!!!」（一
般黎講大叫絕招名嘅時候，未叫完就會比人搶番個波，所以後來因為
要「快」，一般只會叫「猛虎！」「衝力！」就射！），然後我同對
面屋黎三少就會製作「三樓周報」，除左有果個星期每場結果，仲有
下星期賽程表，有漫畫（我畫嫁），有搞笑歌詞創作比賽等等！好認
真嫁！
但自從升上中學之後，三樓走廊同西瓜波已經容納唔到我地，而且因
為「踢爆門口神主牌事件」嘅接連出現，不斷比師奶投訴（對唔住關
帥奶同細Ｂ，我地一爆佢家神主牌就會話係佢個仔細Ｂ做嫁…），最
後走向三樓足球嘅另一個舞台–荔景大球場，3樓聯隊對2樓隊、7樓
隊、15樓隊，跟住踢到落葵方，過左幾年最後我地贏過葵青杯亞軍（
本來係冠軍嫁），亦有人入左職業球隊嘅青年隊，最遠有人打到去過
沙地呀拉佰同贏過日航杯，呢Ｄ係後話啦…
本來就想搞得「勁」一Ｄ，花左唔小時間去學一Ｄ新嘅技術，參考大
型網站，做flash動畫，最後只迫到自己發瘋，
我唔係呢方面嘅材料，而網站嘅技巧日新月異，點追都追唔到，最後
痛定思痛，都係簡單為上，而家出黎嘅成品相對於之前其實只係改變
小小，遠遠唔及我在呢段時間之間，腦海裡裏面嘅改變黎得更大
總之銀河少年新一輪的腳步要展開啦，唔需要太急進，慢慢黎，慢慢
黎….
ps我終於進入左BT呢個魔界啦啦啦啦啦~~~~~~
(0)